9 months ago
October 5, 2023
काठमाडौं (हाम्रो खेलकुद) – नेपाली क्रिकेट टोलीका तीव्र गतिका बलर करण केसीले १९ औं एसियाली खेलकुद(एसियाड) मा भारतविरुद्ध खेल्दा ब्याट भाँचिएको आफूलाई नै थाहा नभएको बताएका छन् । नेपाल भारतसँग क्वाटरफाइनलमा २३ रनले पराजित हुँदै बाहिरियो ।
सामाजिक सञ्जालमा करण केसीको ब्याटको ह्यान्डिल बाहिर निस्केको तस्बिर सार्वजनिक भएको थियो । धेरैले करणसँग ब्याट नै नभएको झुटो प्रचार गरेका थिए । करणले यस विषयमा आफ्नो प्रतिक्रिया दिएका छन् ।
‘त्यो एक लाखको ब्याट नै हो । त्यो महँगो ब्याट हो । राम्रो खेलेको ब्याट पनि । अन्तिम ओभर थियो । पाँच छक्का चाहिँएको थियो । दुई बल सुरुमा डटपछि म निराश भई सकेको थिए । खेल्दै गर्दा एउटा योर्करमा त्यो ब्याट गई सकेको थियो । मैले त्यति बेला ध्यान दिएन । के हेर्नी ब्याट मतलब नै भएन’, करणले भने ।
त्यसैमा करणले थपे, ‘अन्तिममा ड्रेसिङ रुममा गएर हेर्दा त ह्यान्डिलको तल्लो भाग बाहिर निस्केको रहेछ । मैले कुशललाई यो ब्याट त भाँचिएको रहेछ भनेर भने । उसले पनि अन्तिम बलमा कसरी छक्का हान्नु भयो भनेर भन्यो ।’
करणले आफूलाई नै उक्त ब्याट भाँचिएको थाहा नभएको बताएका छन् । ‘त्यो खेलको समयमा मैले भाँचिएको चेक पनि गरिन । त्यति बेला दिमाग ब्याटमा गएन । खेललाई जति सक्यो कम रनले हार्यौ भन्ने सोच आएको थियो । सोसल मिडियामा हालेको देखेपछि थाहा पाएँ । तीन बल अगाडिनै भाँचिएको रहेछ । थाहा भएको भए त परिवर्तन गर्थे । ब्याट भाँचिएको मलाई नै त्यति बेला थाहा भएन । ड्रेसिङ रुममा गएर ब्याट हेरेपछि थाहा भयो’, उनले भने ।
ब्याट नभएको भन्ने झुट भएको बताएका छन् । करणको ब्यागमा अरु दुई ब्याट समेत रहेको उनले बताए । ‘यो मेरो बेस्ट ब्याट हो । नत्र आफ्नो नभएपनि अरुको माग्थे । ह्यान्डिल पहिला पनि गएको हुँदा बनाएर नै खेलेको हो । मेरो बेस्ट ब्याट हुँदा फेरी बनाएर खेल्नुपर्छ । ब्याट टाइट नै छ । त्यति बेला अनुभव नै भएन । ड्रेसिङ रुममा गएर ब्याट हेरे । तीन बल अगाडिनै भाँचिएको रहेछ । थाहा भएको भए एक दुई छक्का अरु लाग्थ्यो । छक्का मै पैसा दिई राखेको थियो । एक दुई वटा छक्का अरु पनि लाग्थ्यो कि’, करणले हाँस्दै भने ।
नेपाली क्रिकेट टोली आज स्वदेश फर्किएको छ । आझ नै सोमपाल कामी र करण केसीलाई आइएमी पे ले एक वर्षको लागि ब्रान्डएम्बास्डरमा नियुक्त गरेको छ । सोमपाल र करणले वार्षिक समान पाँच लाख पाउनेछन् ।
July 2, 2024
सुशिल पन्त क्षेत्री, चितवनक्रिकेटर सन्दीप लामिछाने गृह जिल्ला चितवनमा समानित भएका छन् । सन्दीपलाई मंगलबार विभिन्न संस्थाले नगदसहित सम्मान गरेका हुन् । चितवन क्रिकेट संघ र सेन्ट्रल कलेज अफ भोकेसनल ट्रेनिङ प्रालिले उनलाई १ लाख रुपैयाँसहित सम्मान गरेको छ । सेन्ट्रल टावरमा आयोजित एक कार्यक्रमका बीच उनलाई सम्मान गरिएको हो । नेपाली क्रिकेटमा पुर्याएको योगदान […]
July 1, 2024
एजेन्सी – भारतीय क्रिकेट टोलीका अल राउन्डर रविन्द्र जडेजाले टि ट्वान्टी आई क्रिकेटबाट सन्न्यास लिएका छन्। भारतले शनिबार दक्षिण अफ्रिकालाई ७ रनले हराउँदैटि ट्वान्टीबाट विश्वकपको उपाधि जितेको थियो। त्यसपछि स्टार ब्याटर विराट कोहली र त्यसपछि कप्तान रोहित शर्माले टि ट्वान्टी आईबाट सन्न्यासको घोषणा गरेका थिए। त्यसपछि जडेजाले पनि टि ट्वान्टी आईबाट सन्न्यास लिएको घोषणा गरेका […]
June 30, 2024
एजेन्सी – टि ट्वान्टी विश्वकप उपाधि जितेपछि भारतीय क्रिकेट टोलीका कप्तान रोहित शर्माले टि ट्वान्टी आईबाट सन्न्यासको घोषणा गरका छन्। त्यसअघि पूर्व कप्तान विराट कोहलीले पनि टि ट्वान्टीबाट सन्न्यासको घोषणा गरेका थिए ।’यो मेरो अन्तिम खेल हो , फाइनल पछिको पत्रकार सम्मेलनमा रोहितले भने,’ जति बेलादेखि मैले यो फर्मेट खेल्न थाले रमाइलो लाग्थ्यो। मैले हरेक […]