11 months ago
October 5, 2023
एजेन्सी – १३ औं संस्करणको आइसिसी विश्वकप २०२३ आज भारतमा सुरु हुँदैछ । उद्धघाटन खेलमा साविक विजेता इंग्ल्यान्ड र उपविजेता न्युजिल्यान्डबीच प्रतिस्पर्धा हुँदैछ ।
१० टोली सहभागी विश्वकप लिगको आधारमा हुनेछ । शीर्ष चार टोली सेमिफाइनल खेल्नेछन् । सेमिफाइनलमा शीर्ष स्थानको टोलीले चौथो स्थानको टोलीसँग खेल्नेछ ।
दोस्रो सेमिफाइनलमा दोस्रो र तेस्रो स्थानका टोलीबीच प्रतिस्पर्धा हुनेछ । विश्वकपमा भारत, पाकिस्तान, इंग्ल्यान्ड, अष्ट्रेलिया, न्युजिल्यान्ड, दक्षिण अफ्रिका, अफगानिस्तान, बंगलादेश, श्रीलंका र नेदरल्यान्ड्स छन् । नेदरल्यान्ड्स र श्रीलंका आइसिसी विश्वकप छनोटको फाइनल खेल्दै छनोट भएका हुन् । अन्य आठ टोली सुपर लिगबाट सोझै छनोट भएका थिए ।
सन् १९७५ देखी सुरु भएको विश्वकपमा अष्ट्रेलिया सवैभन्दा सफल टोली हो । अष्ट्रेलियाले सर्वाधिक पाँच पटक विश्वकप उपाधि जितेको छ । अष्ट्रेलियाले सन् १९९९ देखी २००७ सम्म उपाधिमा ह्याट्रिक गरेको थियो ।
भारत र वेस्टइन्डिजले समान दुई पटक विश्वकप जितेका छन् । तर वेस्टइन्डिज यस पटक विश्वकपमा हुनेछैन । छनोटमा सुपर सिक्सबाट नै बाहिरिएको थियो । पाकिस्तान, श्रीलंका र इंग्ल्यान्डले समान एक पटक विश्वकप उपाधि जितेका छन् । न्युजिल्यान्ड र दक्षिण अफ्रिका पहिलो विश्वकप उपाधिको खोजीमा हुनेछन् ।
२०१९ को विश्वकप इंग्ल्यान्डले चौका र छक्का बढी प्रहार गरेको आधारमा जितेको थियो । न्युजिल्यान्डसँग फाइनल खेल र सुपर ओभर दुवै बराबर भएपछि बाउन्ड्री काउन्टको आधारमा इंग्ल्यान्ड च्याम्पियन बनेको थियो । तर अव उक्त नियम परिवर्तन भएको छ । सुपर ओभर बराबर भएमा अर्को सुपर ओभर हुनेछ । नतिजा नआउन सम्म सुपर ओभर हुनेछ ।
समय – खेल नेपाली समय अनुसार सबै हरेक दिन दिउँसो २ : १५ मा सुरु हुनेछन् । दिनमा दुई खेल हुँदा पहिलो खेल बिहान १० : ४५ र दोस्रो खेल दिउँसो २ : १५ मा सुरु हुनेछ ।
लाइभ – लाइभ स्टार स्पोर्ट्सबाट हेर्न सकिनेछ ।
सेमिफाइनल – पहिलो सेमिफाइनल १५ नोभेम्बरमा वानखडे स्टेडियममा हुनेछ । दोस्रो सेमिफाइनल खेल १६ नोभेम्बरमा इर्डेन गार्डेनमा हुनेछ ।
फाइनल – फाइनल १९ नोभेम्बरमा नरेन्द्र मोदी स्टेडियम अमहदाबादमा हुनेछ ।
१२ संस्करण अन्त्य हुँदा २० देशले विश्वकप खेलेका छन् । ६ देशले मात्रै उपाधि जितेका छन् । १३ औं संस्करणको विश्वकप बिहीबार देखी भारतमा सुरु हुँदैछ । विश्वकप उपाधि जित्ने सबै टोली, उपविजेता टोली र विजयी अन्तर यस प्रकार छन् ।
सन् १९७५ (वेस्टइन्डिज) – अष्ट्रेलियालाई फाइनलमा १७ रनले हराउँदै वेस्टइन्डिज विजयी ।
१९७९ (वेस्टइन्डिज) – इंग्ल्यान्डलाई फाइनलमा ९२ रनले हराउँदै वेस्टइन्डिज विजयी ।
१९८३ (भारत) – वेस्टइन्डिजलाई फाइनलमा ४३ रनले हराउँदै भारत विजयी ।
१९८७ (अष्ट्रेलिया) – इंग्ल्यान्डलाई फाइनलमा ७ रनले हराउँदै अष्ट्रेलिया विजयी ।
१९९२ (पाकिस्तान) – इंग्ल्यान्डलाई फाइनलमा २२ रनले हराउँदै पाकिस्तान विजयी ।
१९९६ (श्रीलंका) – अष्ट्रेलियालाई फाइनलमा ७ विकेटले हराउँदै श्रीलंका विजयी ।
१९९९ (अष्ट्रेलिया) – पाकिस्तानलाई फाइनलमा ८ विकेटले हराउँदै अष्ट्रेलिया विजयी ।
२००३ (अष्ट्रेलिया) – भारतलाई फाइनलमा १ सय २५ रनले हराउँदै अष्ट्रेलिया विजयी ।
२००७ (अष्ट्रेलिया) – श्रीलंकालाई फाइनलमा डकवर्थ लेविस पद्धतिमा ५३ रनले हराउँदै अष्ट्रेलिया विजयी ।
२०११ (भारत) – श्रीलंकालाई फाइनलमा ६ विकेटले हराउँदै भारत विजयी ।
२०१५ (अष्ट्रेलिया) – न्युजिल्यान्डलाई फाइनलमा ७ विकेटले हराउँदै अष्ट्रेलिया विजयी ।
२०१९ (इंग्ल्यान्ड) – फाइनलमा न्युजिल्यान्डसँग सुपर ओभर पनि टाई भएपछि चौका र छक्का बढी प्रहार गरेको आधारमा इंग्ल्यान्ड विजयी ।
२०२३ – अक्टोबर ५ देखी नोभेम्बर १९ सम्म भारतमा हुँदै
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]