11 months ago
October 4, 2023
एजेन्सी – बंगलादेशले चीनमा जारी १९ औं एसियाली खेलकुद(एसियाड) को क्वाटरफाइनल खेलमा मलेसियालाई दुई रनले हराउँदै सेमिफाइनलमा स्थान बनाएको छ । जितको लागि अन्तिम ओभरमा पाँच रन बनाउन नसक्दा मलेसिया इतिहास रच्नबाट चुकेको हो ।
जितको लागि १सय १७ रनको विजयी लक्ष्य पछ्याएको मलेसियाले २० ओभरमा ८ विकेट गुमाउँदै १ सय १४ रन बनायो । अन्तिम ओभरमा जितको लागि पाँच रन चाहिँएको थियो । अफिफ हुसैनको सुरुवाती तीन बल विरनदीपले डट खाए । चौथो बलमा उनी आउट भए । त्यसपछि बाँकी दुई बलमा रन रन जोडेपछि पराजित भएको हो ।
मलेसियाका विरनदीप सिंहले ३९ बलमा ३ चौका र ४ छक्कासहित सर्वाधिक ५२ रन बनाएपनि जित दिलाउन पर्याप्त भएन । ओपनर सैद अजिज ३१ बलमा २ चौका र १ छक्कासहित २० रनमा आउट भए ।
एक समय ९.१ ओभरमा ३८-४ को अवस्थामा पुगेको मलेसियालाई पाँचौं विकेटका लागि विरनदीप र सैद अजिजले ३३ बलमा ३४ रनको साझेदारी गरेका थिए । अनुल हफिजले १३ बलमा १ चौका र १ छक्कासहित १४ रन बनाए ।
बंगलादेशको जितमा नायक बनेका अफिफ हुसैनले ४ ओभरमा ११ रन खर्चेर ३ विकेट लिए । रिपन मन्डोलले ३ ओभरमा १ मेडनसहित १४ रन खर्चेर ३ विकेट लिए । रकिबुल हसनर रिशाद हसनले समान दुई विकेट लिए ।
त्यसअघि झेजिङमा टस जितेर पहिला ब्याटिङ रोजेको बंगलादेशले निर्धारित २० ओभरमा ५ विकेट गुमाउँदै १ सय १६ रन बनायो । बंगलादेशका सैफ हसन ५२ बलमा १ चौका र ३ छक्कासहित ५० रनमा अविजित थिए । अफिफ हुसैन १४ बलमा २ चौका र २ छक्कासहित २३ रन बनाए ।
शाहादात हुसैन २६ बलमा ३ चौकासहित २१ रनमा आउट भए । जकेर अली १४ बलमा १४ रनमा अविजित रहे । बंगलादेशले एक रन जोड्दा दुई खेलाडी गुमाएको थियो । बंगलादेश २।५ ओभरमा ३(३ को दयनीय अवस्थामा पुगेको थियो । त्यस्तै ४१(४ हुँदै खेलमा पूनरागमन गरेको थियो ।
मलेसियाका पवनदीप सिंले ४ ओभरमा १ मेडनसहित १२ रन खर्चेर २ विकेट लिए । विजय उन्नीले ४ ओभरमा ४६ रन खर्चेर १ विकेट लिए । विरनदीप सिंहले ४ ओभरमा १३ रन खर्चेका थिए । अनवार रहमानले ४ ओभरमा २३ रन खर्चेर १ विकेट लिए । मलेसियाले स्पिन पिचको भरपूर्ण फाइदा उठाउँदै पूरै स्पिनर खेलाएको थियो । २० ओभर नै मलेसियाका स्पिनरले बलिङ गरेका थिए ।
पहिलो क्वाटरफाइनलमा भारतले नेपाललाई हराउँदै सेमिफाइनलमा स्थान बनाएको थियो । बंगलादेशले अव सेमिफाइनलमा भारतसँग खेल्नेछ । त्यस्तै दोस्रो सेमिफाइनलमा पाकिस्तान र अफगानिस्तानबीच प्रतिस्पर्धा हुनेछ । सेमिफाइनल शुक्रबार र फाइनल शनिबार हुनेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]