1 year ago
October 1, 2023
हाङ्गचौं (हाम्रो खेलकुद) – नेपालका विकेटकिपर विनोद भण्डारीले चीनमा जारी १९ औं एसियाली खेलकुद (एसियाड) मा माल्दिभ्सविरुद्ध किपिङ गर्ने भएका छन् ।
नेपालका कप्तान रोहित पौडेलले टस जितेर पहिला ब्याटिङ गर्ने निर्णय लिएका छन् । नेपालले टोलीमा एक परिवर्तन गरेकोछ । आजको खेलमा तीव्र गतिका बलर करण केसीलाई विश्राम दिएको छ ।
विनोद भण्डारीलाई मौका दिएको छ । नेपालका हार्ड हिटर विनोदले एक वर्षभन्दा बढी समयपछि नेपाली टोलीमा खेल्ने मौका पाएका हुन् ।
विनोद आइसिसी टि२० विश्वकप २०२२ जुलाईमा स्कटल्यान्ड भ्रमणपछि पहिलो पटक नेपाली टोलीमा परेका हुन् । उनले स्कटल्यान्डसँगको खेलपछि नेपाली टोलीमा पहिलो पटक खेल्न लागेका हुन् । टि२० मा भने विनोदले २०२१ मा टियु क्रिकेट मैदानमा नेदरल्यान्ड्ससँगको खेलपछि पहिलो पटक खेल्न लागेका हुन् ।
नेपालको पहिलो रोजाईका विकेटकिपर भएपनि अपेक्षा अनुसार रन बनाउन नसकेपछि बाहिर बस्नु परेको थियो । विकेटकिपर आसिफ शेख र अर्जुन साउदका साथ नेपाल अघि बढेपछि उनलाई टोलीमा फर्किन केहि गाह्रो भएको थियो ।
आज नेपालको प्लेइङ ११ मा आसिफ पनि छन् । तर नेपालले अनुभवी विकेटकिपर विनोद भण्डारीलाई उक्त जिम्मेवारी दिनेछ । आइसिसी टि२० विश्वकप एसिया क्षेत्र छनोट अघि विनोदलाई एसियाडमा प्रदर्शन निकै महत्वपूर्ण हुनेछ ।
किपिङ गल्भ्समा विनोद नेपाली क्रिकेटमा अग्रस्थानमा आउने गर्दछन् । नेपालले पहिलो खेलमा मंगोलियालाई २ सय ७३ रनले हराएको थियो । माल्दिभ्सको दोस्रो रोजाईको टोलीलाई पनि सहजै हराउने अनुमान गरिएको छ ।
नेपालको प्लेइङ-११
कुशल भुर्तेल, आसिफ शेख, विनोद भण्डारी (विकेटकिपर), रोहित पौडेल (कप्तान), सन्दीप जोरा, कुशल मल्ल, दीपेन्द्रसिंह ऐरी, सोमपाल कामी, गुलशन झा, सन्दीप लामिछाने र अभिनाश बोहरा ।
January 15, 2025
काठमाडौं(हाम्रो खेलकुद) – जय ट्रफी मेन्स एलिट कप क्रिकेटको फाइनलमा त्रिभुवन आर्मी क्लबविरुद्ध नेपाल पुलिस क्लबले सामान्य अग्रता लिएको छ। वीरगंजमा जारी फाइनलमा पुलिसले दोस्रो दिन बुधवारको खेल सकिँदा दोस्रो इनिङमा ९५ रनको अग्रता लिएको छ । दोस्रो दिनको समाप्तिमा पुलिसले १ सय ३२ रन जोड्दा ९ विकेट गुमाएको छ । पुलिसका लागि कुशल भुर्तेलले […]
January 15, 2025
काठमाडौं(हाम्रो खेलकुद) – ओपनर ब्याटर कविता कुँवरको अर्धशतकमा सुदूरपश्चिम प्रदेशले धनगढीमा जारी महिला प्रधानमन्त्री कप राष्ट्रिय टि ट्वान्टी प्रतियोगितामा बुधवार लुम्बिनी प्रदेशलाई पराजित गरेको छ । दिनको दोस्रो खेलमा सुदूरपश्चिमले लुम्बिनीमाथि ७५ रनको जित हात पारेको छ । पहिलो खेलमा मंगलवार गण्डकी प्रदेशलाई पराजित गरेको सुदूरपश्चिमको यो लगातार दोस्रो जित हो । लुम्बिनी आफ्नो पहिलो […]
January 15, 2025
काठमाडौं(हाम्रो खेलकुद) – विभागिय टोली नेपाल एपिएफ क्लबले धनगढीमा जारी महिला प्रधानमन्त्री कप टि ट्वान्टी राष्ट्रिय प्रतियोगितामा लगातार दोस्रो जित हासिल गरेको छ । एपिएफले बुधवार गण्डकी प्रदेशलाई ८ विकेटले पराजित गरेको हो । हुस्सु लागेका कारण ढिला सुरु भएको खेल १५ ओभरमा छोट्याइएको थियो । ७१ रनको लक्ष्य एपिएफले ९.३ ओभरमा २ विकेट गुमाएर […]
