काठमाडौं (हाम्रो खेलकुद) – नेपालका बायाँ हाते युवा ब्याटर कुशल मल्लले १९ औं एसियाली खेलकुदमा मंगोलियाविरुद्ध कीर्तिमानी अर्धशतक प्रहार गरेका छन् । कुशलले १९ बलमै अर्धशतक पूरा गरेका छन् ।

योसँगै कुशल नेपालबाट टि२० आईमा सर्वाधिक छिटो अर्धशतक प्रहार गर्ने ब्याटर बनेका हुन् । उनले ज्ञानेन्द्र मल्लको २०१९ मा २० बलमा बनाएको अर्धशतकको कीर्तिमान तोडेका हुन् ।

१० औं ओभरमा कुशल मल्लले तेरबिसलाई कुल २७ रन प्रहार गरेका थिए । कुशल मल्ल २१ बलमा ४ चौका र ६ छक्कासहित ६३ रनमा क्रिजमा छन् ।

चीनको हांग्जाउमा टस हारेर पहिला ब्याटिङ थालेको नेपालले १० ओभरमा २ विकेट गुमाउँदै १ सय २२ रन बनाएको छ ।
नेपालका ओपनर कुशल भुर्तेल २३ बलमा २ चौकासहित १९ रनमा आउट भएका थिए । जम्यांसुरेन दावासुरेनको बलमा डिप स्क्वायर लेगमा अल्तांखुयाग मुगुनले सानदार क्याच लिएपछि कुशल पेभेलिएन फर्किएका थिए ।

ओपनर आसिफ शेख १७ बलमा २ चौकासहित १६ रनमा क्याच आउट हुन पुगे । आसिफ टप एज लागेर कट विहाइन्ड हुन पुगेका थिए । ओपनर कुशल भुर्तेल र आसिफ शेखले पहिलो विकेटका लागि ४.५ ओभरमा ४२ रनको साझेदारी गरेका थिए ।
नेपालले चौथो नम्बरमा रोहित पौडेललाई ब्याटिङमा पठाएको छ । रोहित ८ रनमा खेलेका छन् ।