1 year ago
September 25, 2023
एजेन्सी – नेपालले चीनमा जारी १९ औं एसियाली खेलकुद अन्तर्गत क्रिकेट प्रतियोगितामा पहिलो खेल मंगोलियासँग खेल्दैछ । नेपाल र मंगोलियाबीचको खेल बुधबार बिहान ६ : ४५ मा सुरु हुनेछ ।
नेपालसँगको खेलसँगै मंगोलियाले अन्तर्राष्ट्रिय क्रिकेटमा डेब्यू गर्नेछ । २०२१ मा अन्तर्राष्ट्रिय क्रिकेट परिषद् (आइसिसी) ले मंगोलियालाई एसोसिएट टोलीको मान्यता दिएको थियो । मंगोलियाले हालसम्म कुनैपनि अन्तर्राष्ट्रिय क्रिकेट खेल खेलेको छैन । नेपालले मंगोलियाविरुद्ध थुप्रै विश्व कीर्तिमानहरु बनाउन सक्ने अनुमान गरिएको छ ।
यस्तो छ मंगोलिया क्रिकेट अवस्था
मंगोलियाले २०१४ देखी बच्चाहरुमा क्रिकेट सिकाउन बढी ध्यान दिँदै आएको छ । स्कुल क्रिकेटमा लगानी बढाएको छ । आइसिसीका अनुसार स्कुल क्रिकेट पछिल्लो समय बढेको छ । मंगोलियाको राजधानी उलानबाटरमा ६ प्रान्तबीच क्रिकेट प्रतियोगिता हुँदै आएको छ ।
मंगोलियन फ्रेन्डसिप क्रिकेट ग्राउन्डमा नेशनल पार्कमा २०१६ देखी क्रिकेट हुँदै आएको छ । २०२० देखी ८ टोलीले मंगोलिया नेशनल टि२० लिग प्रतियोगिता खेल्दै आएका छन् । ५० ओभरको तीन खेलको सिरिज पनि हुँदै आएको छ । डिसेम्बर देखी मार्च सम्म इन्डोर र जुन देखी सेप्टेम्बर सम्म मैदानमा खेल हुनेछ ।
महिला टोलीको प्रदर्शन
एसियाली खेलमुदमा मंगोलिया महिला टोलीले दुई खेल खेलेको थियो । इन्डोनएसियाले पहिला ब्याटिङ गर्दै २० ओभरमा ४ विकेट गुमाउँदै १ सय ८७ रन बनाएको थियो । उक्त लक्ष्य पछ्याएको मंगोलिया १० ओभरमा १५ रनमा अल आउट भएको थियो । हङकङले मंगोलियालाई २ सय २ रन हानेको थियो । उक्त लक्ष्य पछ्याउनेक्रममा १४.३ ओभरमा २२ रन बनाएको थियो ।
नेपालबाट पदकको आशा
समूह ए मा रहेको नेपालले आफ्नो अन्तिम खेल आइतबार माल्दिभ्ससँग खेल्नेछ । नेपाल क्वाटरफाइनलमा पुग्न औपचारिकता मात्रै बाँकी देखिन्छ । क्वाटरफाइनलमा बंगलादेश, भारत, अफगानिस्तान, पाकिस्तान र श्रीलंका छन् । विश्वकपको कारण सबै टेस्ट टोलीले आफ्नो दोस्रो रोजाईको टोली पठाएका छन् ।
क्वाटरफाइनलमा समूह ए, बी र सी बाट शीर्ष तीन टोली आउनेछन् । ड्रबाट क्वाटरफाइनलमा प्रतिस्पर्धा गर्नुपर्ने हुन्छ । नेपालले एसियाली क्रिकेटमा पदकको ठूलो अपेक्षा राखेको छ । नेपाली क्रिकेट टोली आइतबार नै चीनतर्फ लागेको छ । सन्दीप भने आइतबार पेशीको कारण सोमबार मात्रै जानेछन् ।
September 27, 2024
काठमाडौं (हाम्रो खेलकुद)- नेपाल क्रिकेट संघ (क्यान) ले चालु आर्थिक वर्ष २०८१/ ८२ को लागि ६२ करोड रूपैयाँ अनुमानित बजेट पास गरेको छ। यो क्यानको इतिहासकै ठूलो बजेट हो । पोखरामा शुक्रवार सुरु भएको क्यानको वार्षिक साधारण सभामा कोषाध्यक्ष पदमबहादुर खड्काले प्रस्तुत गरेको अनुमानित बजेटलाई पास गरेको बताइएको छ। त्यस्तै गत आर्थिक बर्ष २०८०/८१ को […]
September 27, 2024
एजेन्सी – तीन ब्याटरको शतकमा श्रीलंकाले न्युजिल्यान्डविरुद्धको दोस्रो टेस्टको पहिलो इनिङमा विशाल योगफल तयार गरेको छ । दुई टेस्ट सिरिजका लागि न्युजिल्यान्ड श्रीलंका भ्रमणमा छ । पहिलो खेल ६३ रनले जित्दै घरेलु टोलीले सिरिजमा १-० को अग्रता बनाएको छ । गालेमा टस जितेर ब्याटिङको सुरुवात गरेको घरेलु टोलीले पहिलो इनिङ ५ विकेट गुमाएर ६ सय […]
September 27, 2024
एजेन्सी – क्यानडाले विश्वकप लिग टुमा लगातार चौथो जित हात पारेको छ । विश्वकप लिग टु अन्तर्गत घरेलु मैदानमा आयोजित त्रिकोणात्मक सिरिजको ४ खेलमा क्यानडाले जित निकालेको हो । लगातार चौथो जित हासिल गर्ने क्रममा बिहीवार क्यानडाले ओमानलाई ५ विकेटले हराएको थियो । १ सय ९९ रनको लक्ष्य क्यानडाले ४५.३ ओभरमा ५ विकेट गुमाएर पूरा […]