1 year ago
September 19, 2023
काठमाडौं (हाम्रो खेलकुद) – नेपाल क्रिकेट संघ (क्यान) ले आयोजना गरेको फ्रेन्चाइज क्रिकेट लिग, नेपाल टि२० को काठमाडौं नाइट्सका खेलाडीले लिग खेलेवापत पाउनुपर्ने पारिश्रमिक अझै पूरा नपाएको भन्दै नेतृत्वको ध्यानाकर्षण गराएका छन् ।
नेपाली क्रिकेट टोलीका पूर्वकप्तान समेत रहेका नाइट्सका कप्तान ज्ञानेन्द्र मल्लले आफ्नो टोलीका खेलाडी र फिजियोले नेपाल टि२० लिगमा आफूले पाउनु पर्ने बाँकी रकम नपाएको र पटक पटक ताकेता गर्दापनि संघले कुनैपनि जवाफ नदिएको बताएका छन् । मल्लले क्यानका अध्यक्ष चतुरबहादुर चन्दलाई अघिल्लो महिना नै ज्ञानेन्द्रले ध्यानाकर्षण पत्र दिंदै जवाफ दिन आग्रह गरेका थिए । तर १५ दिनको म्यादसहित आफ्नो उधारो पारिश्रमिक पाउने आशामा पत्र पुर्याएका रहेका खेलाडी फेरी एकपटक निराश बनेका छन् ।
नेपाल टि२० लिगमा काठमाडौं नाइट्सका कप्तान ज्ञानेन्द्रले सम्पूर्ण खेलाडी तथा फिजियोको तर्फबाट क्यानलाई मेल मार्फत जवाफ दिन पुन: आग्रह समेत गरेका छन् ।
तर क्यानले यसै साता साधारण सभा र चुनावसँगै नयाँ कार्यसमिति गठन गर्दैछ । वर्तमान कार्यसमितिले नै उधारो राखेको रकम खेलाडीले नपाएको अवस्थामा अर्को कार्यसमितिले जिम्मेवारी नलिने डर रहेको छ । यसअघि फुटबलमा पनि एन्फाको नयाँ कार्यसमिति आएपछि थुप्रै पुरस्कार रकम उधारो रहेको छ ।
गत पुषमा नेपाल टि२० लिगमा काठमाडौं नाइट्सका खेलाडीहरु आफ्नो मालिक समेत पहिचना नभएको भन्दै खेल नै नखेल्ने निर्णय गरेका थिए । तर क्यानले यदि काठमाडौं नाइट्सले पैसा नदिए आफूले दिने प्रतिवद्धता गरेको थियो । टोलीका तर्फबाट कप्तान मल्ल तथा क्यानको तर्फबाट तत्कालिन क्यान जनरल म्यानेजर तथा प्रतियोगिता निर्देशक वृतान्त खनाल र तत्कालिन कार्यवाहक सचिव तथा नेपाल टि२० गभर्नीङ काउन्सिल प्रमुख प्रशान्तविक्रम मल्लले प्रतिवद्धतामा हस्ताक्षर गरेका थिए । तर उक्त प्रतिवद्धता अनुसार काठमाडौंका खेलाडीले पाउनु पर्ने सम्पूर्ण रकम अहिले सम्म पाएका छैनन् ।
काठमाडौं नाइट्सका सम्पूर्ण खेलाडी र फिजियो सागर पाण्डेले गत साउन २ गते बाँकी रकम भुक्तानी गर्न १५ दिने निवेदन क्यानलाई पेस गरेका थिए । तर हालसम्म क्यानको तर्फबाट नेपाल टि२० को रकम भुक्तानी बारे कुनै पनि औपचारिक जानकारी नआएको, र पत्रमा भने बमोजिम कुनै पनि कदम अगाडी नबढेको हुँदा यहाँलाई पुनः अवगत गराउन चाहेको ज्ञानेन्द्रले जनाएका छन् । यदि कुनै ठोस निर्णय वा जानकारी प्राप्त नभएमा सोही अनुसार अन्य कदम चाल्न बाध्य हुने कप्तान ज्ञानेन्द्रले क्यानलाई भनेका छन् ।
केहि महिना अघि काठमाडौंका फिजियो सागरले सार्वजनिक रुपमै आफूहरुले एकरुपैयाँ पनि नपाएको बताएका थिए । ‘खेल सकिएपछि केहि खेलाडीले ५० प्रतिशत पारिश्रमिक पाएको अवस्था छ । मैले अहिले सम्म एक रुपैयाँ पाएको छैन । यति सम्मकी खेलको दौरानमा खेलाडीलाई उपचार गराएको बिलको भरपाइ समेत पाएन । क्यानसँग सम्झौता गर्दा छिटो दिने भने पनि मैले कति र कहिले दिने हो अहिले सम्म खोज गरिएको छैन’,उनले लेखेका थिए । त्यसैमा उनले लेखेका थिए,
‘म एउटा श्रमिक हो र पारिश्रमिक पाउने मेरो अधिकार हो। यो अधिकार बाट मलाई बन्चित गराउनु भनेको न्याय र कानुनसंगत होईन। आशा छ यो पोस्ट हजुर सम्म पुग्ने छ र मेरो पारिश्रमिक मलाई मिल्ने छ’, । तर उनले हालसम्म पैसा पाउन सकेका छैनन् ।
नेपाल टि२० लिग गत पुषमा सम्पन्न भएको थियो । फिक्सिङ, पारिश्रमिक, मालिकको पहिचानै नखुल्ने लगायत विभिन्न कारणले निकै विवादित बन्न पुगेको थियो । काठमाडौं र फार वेस्ट युनाइटेडका खेलाडीहरुले हालसम्म पूरा पारिश्रमिक पाउन सकेका छैनन् । यी दुई फ्रेन्चाइज टोलीको मालिक नै सार्वजनिक गरिएको थिएन । नेपाल टि२० लिग विवादकै कारण तत्कालिन कार्यवाहक सचिव प्रशान्त मल्लले पदबाट राजीनामा समेत दिनु परेको थियो ।
क्यानले नेपाल टि२० लिगको आयोजना जिम्मा भारतीय सेभेन थ्री स्पोर्ट्सलाई दिएको थियो । सेभेन थ्री स्पोर्ट्सका संस्थापक जतिन अलुवालिया प्रतियोगिताबीचमै भागेर दिल्ली गएका थिए । क्यान र सेभेन थ्री स्पोर्ट्सबीच नेपाल टि२० लिग आयोजना गर्न ८ वर्षका लागि ३३ करोड रुपैयाँ दिने सम्झौता भएको थियो । तर पहिलो संस्करणमा बिवादै बिवाद भएपछि क्यानले उक्त सम्झौता रद्द गरिसकेको छ । खेलाडीहरुले पुरस्कार रकम समेत पाउन सकेका छैनन् ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]