1 year ago
September 5, 2023
एजेन्सी – श्रीलंकाले एसिया कपमा अफगानिस्तानलाई दुई रनले हराउँदै सुपर फोरमा स्थान बनाएको छ । समूह बी बाट अपराजित रहँदै श्रीलंका सुपर फोरमा पुगेको हो । अफगानिस्तान समूह बी र नेपाल समूह ए बाटै बाहिरिने टोली बनेका छन् ।
जितको लागि २ सय ९२ रनको विजयी लक्ष्य पछ्याएको अफगानिस्तान ३७.४ ओभरमा २ सय ८९ रनमा अल आउट भयो । अफगानिस्तालाई सुपर फोरमा पुग्न उक्त लक्ष्य ३७.१ ओभरमा जित्नुपर्ने हुन्थ्यो । सुपर फोरमा पुग्न अफगानिस्तानलाई एक बलमा तीन रन चाहिँएको अवस्था थियो ।
३८ औं ओभरको पहिलो बल श्रीलंकाका स्पिनर धनन्जय डि सिल्भाले मुजिब उर रहमानलाई सदिराबाट क्याच गराएपछि अफगानिस्तानको सुपर फोर सम्भावना लगभग सकिएको थियो ।
तर नियम अनुसार बाँकी तीन बलमा एक छक्का हान्न सके अफगानिस्तान सुपर फोरमा पुग्न सक्थ्यो । दोस्रो दोस्रो र तेस्रो बल फारुकीले लगातार डट खाए । चौथो बलमा फारुकी एलबीडब्लू आउट भएपछि श्रीलंका विजयी हुँदै सुपर ओभरमा पुगेको हो ।
अफगानिस्तानका मोहम्मद नाबीले ३२ बलमा ६ चौका र ५ छक्कासहित सर्वाधिक ६५ रन बनाएपनि जितको लागि पर्याप्त हुन सकेन । नाबी अफगानिस्तानबाट ओडिआईमा सर्वाधिक छिटो अर्धशतक प्रहार गर्ने खेलाडी बने । उनले दुई साता अघि मुजिब उर उरमानले २६ बलमा पाकिस्तानविरुद्ध हानेको अर्धशतकको कीर्तिमान तोडेका हुन् ।
राशिद खान १६ बलमा ४ चौका र १ छक्कासहित २७ रनमा नट आउट रहे । कप्तान हश्मातुल्लाह शाहिदी ६६बलमा ३ चौका र १ छक्कासहित ५९, ओपनर रहमानउल्लाह गुरबाज ४, इबाहिम जद्रान ७ र गुलबदीन नाइब २२ रनमा आउट भए । नाजिबउल्लाह जद्रान १५ बलमा १ चौका र २ छक्कासहित २३ रनमा आउट भए
अफगानिस्तानलाई सुपर फोरमा पुग्न मात्रै ३७ बलमा ५८ तथा १९ बलमा ३३ रन चाहिँएको थियो । पाथिरानाले ३५ औं ओभरमा ६ रन दिएपछि बाँकी १३ बलमा २७ रन सुपर फोरमा पाुग्न आवश्यक थियो ।
तीव्र गतिका बलर कसुन रजिथालाई पहिलो बलमा राशिद खानले चौका र तेस्रो बलमा नाजिबउल्लाह जद्रानलले छक्का हानेपछि ९ बलमा १६ रन चाहिँएको थियो । चौथो बलमा जद्रान क्याच आउट भए । उक्त ओभरमा १२ रन खर्चिए ।
बाँकी ७ बलमा १५ रन सुपर फोरमा पुग्न आवश्यक थियो । ३७ औं ओभरको सुरुवाती दुई बल वेलालेगेले राशिद खानलाई डट राखे । राशिद खानले तेस्रो, पाँचौं र अन्तिम बलमा चौका हानेपछि एक बलमा तीन रन चाहिँएको थियो । राशिद खानले स्ट्राइक नपाउँदा हार्न पुग्यो ।
श्रीलंकाका कसुन रजिथाले १० ओभरमा ७९ रन खर्चेर ४ विकेट लिए । दुनिथ वेलालेगे र धनन्जय डि सिल्भाले समान दुई विकेट लिए ।
त्यसअघि गद्दाफी स्टेडियम लाहोरमा टस जितेर पहिला ब्याटिङ रोजेको श्रीलंकाले निर्धारित ५० ओभरमा ८ विकेट गुमाउँदै २ सय ९१ रन बनाएको थियो । श्रीलंकाका विकेटकिपर कुशल मेन्डिसले ८४ बलमा ६ चौका र ३ छक्कासहित सर्वाधिक ९२ रनको योगदान दिए ।
उनी राशिद खानको बलमा रन आउट भएपछि शतकको अवसर गुमाएका थिए । ओपनर पाथुम निसांका र दीमुथ करुणारत्नेले पहिलो विकेटका लागि १०.२ ओभरमा ६३ रनको साझेदारी गरेका थिए ।
निसांका ४० बलमा ६ चौकासहित ४१ रनमा आउट भए । दिमुथ ३५ बलमा ६ चौकासहित ३२, सदिरा समाराविक्रामा ३, चरिथ असलंका ३६ र दासुन शानका ५ रनमा आउट भए । राम्रो सुरुवात पाएपनि त्यसलाई निरन्तरता दिन नसक्दा विशाल योगफल बनाउने अवसर गुमाएको थियो ।
दुनिथ वेलालागे ३९ बलमा ३ चौका र १ छक्कासहित ३३ रनमा नट आउट रहे । अन्तिम बलमा आउट भएका महेश थिक्सेना २४ बलमा २ चौका र १ छक्कासहित २८ रनमा आउट भए । आठौं विकेटका लागि थिक्सेना र वेलालागेले ६३ बलमा ६४ रनको महत्वपूर्ण साझेदारी गरेका थिए ।
अफगानिस्तानका तीव्र गतिका गुलबदीन नाइबले १० ओभरमा ६० रन खर्चेर ४ विकेट लिए । राशिद खानले १० ओभरमा ६३ रन खर्चेर २ विकेट लिए । मुजिब उर रहमानले १० ओभरमा ६० रन खर्चेर १ विकेट लिए । समूह ए बाट पाकिस्तान शीर्ष र भारत दोस्रो स्थानमा रहँदै सुपर फोरमा पुगेका थिए ।
समूह बी बाट श्रीलंका शीर्ष र बंगलादेश दोस्रो स्थानमा रहँदै सुपर फोरमा पुगेका छन् । सुपर फोरको पहिलो खेलमा बुधबार बंगलादेश पाकिस्तानबीच हुनेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]