एजेन्सी – दक्षिण अफ्रिकाले टेम्बा बभुमाको कप्तानीमा आगमी महिना भारतमा हुने एकदिवसीय विश्वकप खेल्ने टोली घोषणा गरेको छ । घोषणा टोलीमा डेविड मिलर, रास्सी भान डर डुसेन र क्विन्टन डि कक जस्ता ब्याटर छन् । दक्षिण अफ्रिकाले तीव्र गतिको बलिङ आक्रामणलाई प्राथमिकतामा राख्दै टोली घोषणा गरेको छ ।

उता ३३ वर्षीय कप्तान टेम्बाले दक्षिण अफ्रिकाले मात्रै २६ ओडिआईमा ४ शतक र ३ अर्धशतकसहित कुल ११ सय ५० रन बनाएका छन् । टि२० विश्वकपमा लगातार आलोचनाको कारण उनले कप्तानी छाडेका थिए ।

टि२० मा भने एडेन माक्ररमले दक्षिण अफ्रिका कप्तानी गर्दै आएका छन् । बभुमा दक्षिण अफ्रिका टोलीमा खराब प्रदर्शनको कारण आलोचनामा पर्दै आएका नाम समेत हुन् ।

दक्षिण अफ्रिकाका एक उत्कृष्ट बायाँ हाते विकेटकिपर क्विन्टन डि ककले विश्वकपपछि सन्न्यास लिने भएका छन् । विदेशी टि२० फ्रेन्चाइजलाई प्राथमिकतामा राखेपछि डि ककले सन्न्यास लिने बताइएको छ ।

टि२० भने उनले २०२४ को विश्वकप सम्म खेल्नेछन् । ३० वर्षीय डि ककले दक्षिण अफ्रिकाबाट १ सय ४० ओडिआईमा १७ शतकसहित ५ हजार ९ सय ६६ रन बनाएका छन् । दक्षिण अफ्रिका पहिलो विश्वकप जित्ने लक्ष्यका साथ भारत जानेछ ।

दक्षिण अफ्रिकाको टोली :

टेम्बा बभुमा (कप्तान), गेराल्ड कोट्जी, क्विन्टन डिकक, रिजा हेन्ड्रिक्स, मार्को यानसन, हेनरिक क्लासेन, सिसान्डा मगला, केशव महाराज, एडेन माक्रमर, डेविड मिलर, लुन्गी एनगिडी, एनरिच नोर्किया, कागिसो रबाडा, तबरेज शाम्सी र रास्सी भान डर डुसेन ।