एजेन्सी – चार देश सम्मिलित महिला टि२० आई सिरिजमा नेपाल र घरेलु टोली मलेसियाबीचको खेल वर्षाको कारण रोकिएको छ । मलेसियाको बायोमास ओभलमा टस हारेर पहिला ब्याटिङको निम्तो पाएको नेपालले ४.४ ओभरमा १ विकेट गुमाउँदै २३ रन बनाएको अवस्थामा वर्षाको कारण खेल रोकिएको छ ।

नेपालकी ओपनर काजल श्रेष्ठ १५ बलमा १ चौकासहित १५ रनमा नटआउट छिन् । उनलाई इन्दु बर्माले ९ बलमा ७ रन बनाउँदै साथ दिएकी छिन् । ओपनर पुजा महतो भने पहिलो ओभरको पाँचौं बलमा ऐना हामिजाह हासिमको बलमा एक रनमा एलबीडब्लू आउट भइन् ।

नेपालले टोलीमा एक परिवर्तन गरेको छ । तीव्र गतिकी बलर अश्मिना कर्माचार्य टोलीमा फर्किदा ईश्वरी विष्ट बेन्चमा बसेकी छिन् ।

नेपालले पहिलो खेलमा हङकङलाई ६ विकेट र दोस्रो खेलमा कुवेतलाई ३४ रनले हराएको थियो । नेपाल २ खेलमा ४ अंकका साथ शीर्ष स्थानमा छ । आजको खेलमा विजयी भएमा नेपाल ६ अंकका साथ अपराजित रहँदै फाइनल खेल्नेछ । यदि नेपाल पराजित भएमा भने नेटरनरेटमा निर्भर रहनेछ । हङकङ ३ खेलमा४ अंकका साथ दोस्रो स्थानमाछ ।

नेपालको प्लेइङ ११ :

रुविना क्षेत्री (कप्तान), सीता रानामगर, इन्दु बर्मा, विन्दु रावल, कविता कुँवर, कविता जोशी, पुजा महतो, सम्झना खड्का, काजोल श्रेष्ठ र अश्मिना कर्माचार्य र खुशी डंगोल ।