काठमाडौं (हाम्रो खेलकुद) – नेपालले चार देश सम्मिलित महिला टि२० आई सिरिज अन्तर्गत अन्तिम खेलमा घरेलु टोली मलेसियासँग टस हारेर पहिला ब्याटिङ गर्ने भएको छ । बायोमास ओभलमा घरेलु टोली मलेसियाले टस जितेर पहिला फिल्डिङ गर्ने निर्णय लिएको छ ।

नेपालले टोलीमा एक परिवर्तन गरेको छ । तीव्र गतिकी बलर अश्मिना कर्माचार्य टोलीमा फर्किदा ईश्वरी विष्ट बेन्चमा बसेकी छिन् ।

नेपालले पहिलो खेलमा हङकङलाई ६ विकेट र दोस्रो खेलमा कुवेतलाई ३४ रनले हराएको थियो । नेपाल २ खेलमा ४ अंकका साथ शीर्ष स्थानमा छ । आजको खेलमा विजयी भएमा नेपाल ६ अंकका साथ अपराजित रहँदै फाइनल खेल्नेछ । यदि नेपाल पराजित भएमा भने नेटरनरेटमा निर्भर रहनेछ ।

हङकङ ३ खेलमा४ अंकका साथ दोस्रो स्थानमाछ । यदि नेपाल पराजित भएमा तीन टोलीको अंक समान ४ हुनेछ ।

नेपालको प्लेइङ ११ :

रुविना क्षेत्री (कप्तान), सीता रानामगर, इन्दु बर्मा, विन्दु रावल, कविता कुँवर, कविता जोशी, पुजा महतो, सम्झना खड्का, काजोल श्रेष्ठ र अश्मिना कर्माचार्य र खुशी डंगोल ।