काठमाडौँ (हाम्रो खेलकुद) – टि.यु. मैदानमा जारि रुस्लन टि-२० क्रिकेट प्रतियोगिता अन्तर्गत शनिबार भएको पहिलो खेलमा सुदुरपश्चिम एकेडेमी (एस.पी.ए)ले अनुभूति एडुकेसन फाउन्डेसनलाइ पाँच विकेटले हराएको छ

खेलमा टस जितेर फिल्डिङ रोजेको एसपिएले अनुभूतिलाइ १०२/८ रनको सामान्य योगफलमा रोक्न सफल रह्यो। अनुभूतिका लागि नसरुद्दीन अन्सारीले २५ बलमा एक चौका र एक छक्काको मद्दतले २९ रन जोडेका थिए। ओपनर अकिब अलि अन्सारीले २६ बलमा १८ रन बनाउदै पारी सम्हाल्न खोजेपनि राम्रो साथ नपाउदा टोलीले ठुलो स्कोर खडा गर्न सकेन। एसपिएका बिक्रम ठगुन्नाले चार ओभरमा १८ रन खर्चेर तिन महत्वपूर्ण विकेट लिएका थिए।

१ सय ३ रनको सहज लक्ष्य पछ्याएको एसपीएले आफ्नो पारीको पहिलो बलमै ओपनर विजय राणालाइ गुमाएको थियो। तर ओपनर रोमन बमले चार चौकको मद्दतले २१(१९)रन बनाएपछि टोलीले राम्रो सुरुवात पायो। मध्यक्रममा राजबिर सिंहले ४५ बलमा तिन चौका र एक छक्काको मद्दतले ३३ रनको अविजित पारी खेलेपछि एसपीएको जित पक्का भएको थियो।

खेलको म्यान अफ द म्याच एसपीएका बिक्रम ठगुन्ना घोषित भए। जितसंगै एसपीए प्रतियोगिताको क्वार्टरफाइनलमा पुगेको छ। उसले भोलि दोश्रो खेलमा आयोजक रुस्लान केसिटिसीको सामना गर्नेछ।