default_image

1 year ago

July 28, 2023

घरेलु टोली वेस्टइन्डिजमाथि भारतको सहज जित

205 views

0 Bookmark

एजेन्सी – भारतले पहिलो ओडिआई खेलमा घरेलु टोली वेस्टइन्डिजमाथि ५ विकेटको सहज जित हात पारेको छ । योसँगै तीन ओडिआई खेलको सिरिजमा भारतले १-० को अग्रता लिएको छ ।

जितको लागि १ सय १५ रनको झिनो विजयी लक्ष्य पछ्याएको भारतले २२.५ ओभरमा ५ विकेटको क्षतिमा पूरा गर्यो । भारतको जितमा ओपनर ईशान किशनले ४६ बलमा ७ चौका र १ छक्कासहित सर्वाधिक ५२ रनको योगदान दिए ।

भारतले झिनो लक्ष्य हुँदा आफ्ना तल्लोक्रमका खेलाडीलाई मौका दिन खोजेको थियो । त्यसैले विराट कोहलीले ब्याटिङ नै गरेनन् ।

ओपनर शुभमन गिल ७, सूर्यकुमार यादव १९, हार्दिक पान्ड्या ५, रविन्द्र जडेजा १६, शार्दुल ठाकुर १ र रोहित शर्मा १२ रन बनाए । वेस्टइन्डिजका गुडाकेश मोतीले ६.५ ओभरमा २६ रन खर्चेर २ विकेट लिए । जयडेन सिल्स र यानिक कारियाहले समान एक विकेट लिए ।

त्यसअघि बार्बाडोसमा टस हारेर पहिला ब्याटिङको निम्तो पाएको वेस्टइन्डिज २३ ओभरमा १ सय १४ रनमा अल आउट भएको थियो । वेस्टइन्डिजका कप्तान शाई होपले ४५ बलमा ४ चौका र १ छक्कासहित सर्वाधिक ४३ रन बनाए । ओपनर ब्रेन्डन किंग १७, कायल मेयर्स २, एलिक उथानाजेले २२, शिम्रन हेटमायर ११, रोभम्यान पावेल ४ र रोमारियो शेफर्ड शून्यमा आउट भए ।

भारतका स्पिनर कुलदीप यादवले ३ ओभरमा २ मेडनसहित ६ रन खर्चेर ४ विकेट लिए । कुलदीप नै खेलको प्लेयर अफ द म्याच चुनिए । त्यस्तै रविन्द्र जडेजाले तीन, हार्दिक पान्ड्या, मुकेश कुमार र शार्दुल ठाकुरले समान एक विकेट लिए ।

भारतीय ओडिआई क्रिकेट इतिहासमा दुई बायाँ हाते स्पिनर कुलदीपले ४ र जडेजाले ३ गरि ७ विकेट एकै खेलमा पहिलो पटक लिएका हुन् ।

अघिल्लो महिना विश्वकप छनोटमा खराब प्रदर्शन गर्दै भारतमा हुने विश्वकप खेल्ने अवसर गुमाएको घरेलु टोली वेस्टइन्डिजले पुन खराब प्रदर्शन गरेको हो । स्पिनर सामु वेस्टइन्डिजका ब्याटर पुन निरिह बनेका थिए । दोस्रो खेल शनिबार र तेस्रो खेल मंगलबार हुनेछ । त्यसपछि पाँच टि२० आई खेलको सिरिज खेल्नेछ । दुई टेस्ट खेलको सिरिज भने भारतले १-० ले जितेको थियो । दोस्रो खेल वर्षाको कारण बराबरीमा सकाउनु परेको थियो ।

December 18, 2024

विनोदको अर्धशतक प्रेरित सुदूरपश्चिम फाइनलमा

काठमाडौं(हाम्रो खेलकुद) – ओपनर विनोद भण्डारीको नटआउट अर्धशतकमा सिद्धार्थ बैंक नेपाल प्रिमियर लिग (एनपिएल) मा सुदूरपश्चिम रोयल्सले जनकपुर बोल्ट्सबाट पराजित गर्दै फाइनल प्रवेश गरेको छ । टियु मैदानमा बुधवार भएको पहिलो क्वालिफायर खेलमा जनकपुरमाथि सुदूरपश्चिमले ८ विकेटको जित हात पार्यो । जितका लागि १ सय ४० रनको मध्यम लक्ष्य सुदूरपश्चिमले १८.३ ओभरमा २ विकेट गुमाएर […]

December 18, 2024

फाइनलमा प्रवेशका लागि सुदूरपश्चिमलाई मध्यम लक्ष्य

काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा फाइनल प्रवेशका लागि सुदूरपश्चिम रोयल्सले जनकपुर बोल्ट्सबाट मध्यम लक्ष्य पाएको छ । टियु मैदानमा जारी एनपिएलको दोस्रो क्वालिफायर खेलमा जनकपुरले सुदूरपश्चिमलाई जितका लागि १ सय ४० रनको मध्यम लक्ष्य दिएको हो । टस जितेर पहिले ब्याटिङ गरेको जनकपुरले निर्धारित २० ओभरमा ८ विकेट गुमाएर १ सय […]

December 18, 2024

पहिलो क्वालिफायरमा जनकपुरले टस जित्यो

काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल)को पहिलो क्वालिफायर खेलमा जनकपुर बोल्ट्सले सुदूरपश्चिम रोयल्सविरुद्ध टस जितेको छ । टियु क्रिकेट मैदानमा जनकपुरका कप्तान आसिफ शेखले टस जितेर ब्याटिङ रोजेका हुन् । लिग चरणको खेलमा सुदूरपश्चिमले जनकपुरलाई ७२ रनले पराजित गरेको थियो । सुदूरपश्चिमले पछिल्लो खेलको टोलीमा कुनै परिवर्तन गरेको छैन । सुदूरपश्चिम रोयल्सको प्लेइङ-११ […]

Success

Thank you for your time.