1 year ago
July 26, 2023
एजेन्सी – नेपाली क्रिकेट टोलीका अलराउन्डर दीपेन्द्रसिंह ऐरीको अलरान्ड प्रदर्शनमा मोन्टरिएल टाइगर्सले ग्लोबल टि२० क्यानडामा भ्यानकुभर नाइट्सलाई ६ विकेटले हराएको छ । टोलीलाई जिताउन दीपेन्द्रले बलिङ, ब्याटिङ र फिल्डिङ तीनै क्षेत्रमा राम्रो प्रदर्शन गरेका थिए ।
जितको लागि १ सय ५० रनको मध्यम विजयी लक्ष्य टाइगर्सले १८.१ ओभरमा ४ विकेट गुमाउँदै पूरा गर्यो । टाइगर्सको जितमा शेफार्न रदरफोर्डले ५३ बलमा ७ चौका र ६ छक्कासहित ८४ रनमा अविजित रहे ।
दीपेन्द्र २२ बलमा २ चौकासहित २२ रनमा नट आउट रहे । एक समय ६७–४ को अवस्थामा पुगेको टाइगर्सलाई दीपेन्द्रले पाँचौं विकेटका लागि रदरफर्डसँग ८६ रनको अविजित साझेदारी गर्दै जित दिलाएका थिए ।
ओपनर मोहम्मद वासिम १, कप्तान क्रिस लिन शून्य, सकिब अल हसन १२ र दीलप्रित सिंह २१ रनमा रन आउट भए । नाइट्सका स्पिनर फिन एलेनले २ ओभरमा १८ रन खर्चेर २ विकेट लिए । रुबेन ट्रम्पलम्यानले २.१ ओभरमा २४ रन खर्चेर १ विकेट लिए ।
त्यसअघि टस हारेर पहिला ब्याटिङको निम्तो पाएको नाइट्सले निर्धारित २० ओभरमा ४ विकेट गुमाउँदै १ सय ४९ रन बनाएको थियो । नाइट्सका लागि ओपनर फखार जमानले ५३ बलमा ७ चौका र ३ छक्कासहित सर्वाधिक ७३ रन बनाए ।
पाकिस्तानी आक्रामक ओपनर फखार जमानलाई दीपेन्द्रले १६ औं ओभरको चौथो बलमा कार्लोस ब्रेथवेटबाट क्याच गराउँदै महत्वपूर्ण सफलता दिलाएका थिए । दीपेन्द्रले फिल्डिङमा पनि उत्कृष्ट प्रदर्शन गरे ।
दीपेन्द्रले १० औं ओभरको दोस्रो बलमा हर्ष थाकेरलाई ९ रनमा रन आउट गरेका थिए । दीपेन्द्रले ३ ओभरमा मात्रै १६ रन खर्चेर १ विकेट लिए । कार्लोस ब्रेथवेटले ४ ओभरमा २० रन खर्चेर २ विकेट लिएका थिए।
टाइगर्सले आज राती १ : १५ मा ब्रम्पटन वोल्भससँग खेल्नेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]