1 year ago
July 10, 2023
एजेन्सी – अन्तर्राष्ट्रिय क्रिकेट परिषद् (आइसिसी) ले जिम्बावेमा आइतबार सम्पन्न विश्वकप छनोटको उत्कृष्ट टिम सार्वजनिक गरेको छ । आइसिसीले सार्वजनिक गरेको टिम अफ द टुनामेन्ट वल्र्डकप क्वालिफायरमा नेपालका कुनैपनि खेलाडी पर्न सकेनन् ।
आइसिसीको उत्कृष्ट टिम अफ द टुनामेन्टमा श्रीलंका, नेदरल्यान्ड्स र घरेलु टोली जिम्बावेबाट सर्वाधिक समान तीन खेलाडी अटेका छन् ।
त्यस्तै स्कटल्यान्डबाट दुई र वेस्टइन्डिजबाट एक खेलाडी परेका छन् । १० टोली सहभागी छनोटमा नेपाल, युएई, ओमान र आयरल्यान्ड, अमेरिकाबाट भने कुनैपनि खेलाडी अट्न सकेनन् ।
आइसिसीले आफ्नो उत्कृष्ट टोलीको ओपनरमा नेदरल्यान्ड्सका विक्रमजित सिंह र श्रीलंकाका पाथुम निसांकालाई राखेको छ । श्रीलंकाका ओपनर पाथुमले दुई शतकसहित कुल ४ सय १६ रन बनाएका थिए ।
सिंहले ३ सय ३६ रन बनाएका थिए । स्कटल्यान्डका ब्रेन्डन म्याकमुलेनलाई राखेको छ । उनले दुई शतकसहित ३ सय ६४ रन बनाउनुको साथै १३ विकेट लिएका थिए । तीन शतकसहित ६ सय रन बनाउने जिम्बावेका सन विलियम्सलाइ चौथो नम्बरको ब्याटरमा राखेको छ ।
नेदरल्यान्ड्सलाई विश्वकपमा पुर्याउन हिरो बनेका बास डि लिडेलाई पाँचौं नम्बरमा राखेको छ । लिडेले २ सय ८५ रन बनाउनुको साथै १५ विकेट लिएका थिए । त्यसमा पनि विश्वकपमा पुग्न निर्णायक खेलमा उनले स्कटल्यान्डविरुद्ध १ सय २३ रन बनाउनुको साथै ५ विकेट लिएका थिए ।
जिम्बावेका सिकन्दर राजालाई छैटौं नम्बरको ब्याटरमा राखेको छ । आफ्ना प्रमुख ८ खेलाडी बिनानै विश्वकपमा पुर्याउने नेदरल्यान्ड्सका स्कटएडवार्ड्स प्रतियोगिता उत्कृष्ट कप्तान र विकेटकिपर बनाएकोछ । उनलाई नै यस टिम अफ द टुनामेन्टको कप्तान बनाएको छ ।
श्रीलंकालाई विश्वकपमा पुर्याउने २२ विकेट लिने वानिन्दु हसरंगा र २१ विकेट लिने महेश थिक्सेना पनि आइसिसीको टोलीमा छन् । यस प्रतियोगितामा सर्वाधिक धेरै गतिमा बलिङ गर्ने क्रिस सोल पनि टिममा छन् ।
उनले प्रतिघण्टा १ सय ५० माथिको गतिमा बलिङ गरेका थिए । स्कटल्यान्डलाई विश्वकप नजिक पुर्याउन उनको प्रदर्शन निकै महत्वपूर्ण थियो । अन्तिम तीव्र गतिका बलरमा जिम्बावेका बायाँ हाते रिचर्ड नागारवा पनि छन् ।
आइसिसीको उत्कृष्ट विश्वकप छनोट टोली :
विक्रमजितसिंह (नेदरल्यान्ड्स), पाथुम निसांका (श्रीलंका), ब्रेन्डन म्याकमुलेन (स्कटल्यान्ड), बास डि लिडे (नेदरल्यान्ड्स) सेन विलियम्स (जिम्बावे), सिकन्दर राजा (जिम्बावे), स्कट एडवार्ड्स (कप्तान तथा विकेटकिपर नेदरल्यान्ड्स), वानिन्दु हसरंगा (श्रीलंका), महेश थिक्सेना (श्रीलंका), क्रिस सोल (स्कटल्यान्ड) र रिचर्ड नागराव (जिम्बावे) ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]