1 year ago
July 10, 2023
काठमाडौं (हाम्रो खेलकुद) – अलराउन्डर पवन सरार्फले १० महिनापछि नेपाली क्रिकेट टोलीमा पूनरागमन गरेका छन् । तल्लोक्रमका भरपर्दा ब्याटर आरिफ शेखले यसै साताबाट श्रीलंकामा हुने एसिसी इमर्जिङ टिम्स एसिया कप नखेल्ने भएपछि नेपालले पवनलाई टोलीमा बोलाएको छ ।
आरिफले पारिवारिक कारण नखेल्ने निर्णय लिएको क्यानले जनाएको छ । पवन गतवर्ष भदौंपछि पहिलो पटक नेपाली टोलीमा फर्किएका हुन् । पवन पछिल्लो पटक भदौंमा केन्या भ्रमणमा नेपालको टोलीमा थिए । लगातार मौका पाउँदा पनि राम्रो प्रदर्शन गर्न नसकेपछि उनी टोलीबाट बाहिरिनु परेको थियो । त्यसपछि भने उनले नेपाली टोलीमा मौका पाएका थिएनन् ।
पवन स्पिनसँगै तल्लोक्रममा राम्रो ब्याटिङ गर्ने गर्दछन् । नेपाल पुलिस क्लबबाट घरेलु क्रिकेट खेल्दै आएका उनीले त्यहाँ राम्रो अवसर नपाएपछि केहि महिनामात्रै आफ्नो घरेलु टोली मधेश प्रदेश फर्किएका थिए ।
पवनले नेपालबाट ८ ओडिआई र १७ टि२० आई खेल खेलेका छन् । इमर्जिङ कपका कुनैपनि खेलले ओडिआई मान्यता पाउने छैनन् । प्रतियोगितामा आफ्नो प्रमुख टोली पठाउने नेपाल एकमात्रै टोली हो । टेस्ट टोलीले यू-२३ खेलाडी पठाउनु पर्ने हुन्छ । नेपाल बाहेक दुई एसोसिएट टोली युएई र ओमानले पनि आफ्नो प्रमुख खेलाडी नपठाउने भएका हुन् ।
त्यसैले यो प्रतियोगिता नेपालको लागि अभ्यास सरह हुनेछ । नेपालका सन्दीप लामिछाने र दीपेन्द्रसिंह ऐरीले टि२० क्यानडाको कारण खेल्ने छैनन् । प्रमुख तीव्र गतिका बलर करण केसी र ब्याटर ज्ञानेन्द्र मल्ललाई नेपालले विश्राम दिएको थियो । अव आरिफ पनि हुने छैनन् ।
प्रतियोगिता १३ जुलाई देखी २३ जुलाई सम्म श्रीलंकामा हुनेछ । नेपाल समूह बी मा छ । नेपाल, युएई, पाकिस्तान र भारत ए छन् । त्यस्तै समूह ए मा श्रीलंका, बंगलादेश, अफगानिस्तान र ओमान छन् । पाँच टेस्ट टोलीको भने यू२३ को टोली आउने छन् । ओमान र युएईले पनि आफ्नो ए टोली पठाउने छन् ।
नेपालले १४ जुलाईमा पाकिस्तान ए सँग खेल्नेछ । नेपालले दोस्रो खेल १७ जुलाई मा भारत ए सँग खेल्नेछ । नेपालले १९ जुलाईमा युएईसँग खेल्नेछ । यदि शीर्ष दुईमा रहन सके नेपालले २१ जुलाईमा सेमिफाइनल खेल्नेछ । फाइनल २२ जुलाईमा हुनेछ ।
नेपालको टोली :
कुशल भुर्तेल, आसिफ शेख, अर्जुन साउद, रोहित पौडेल (कप्तान) कुशल मल्ल, पवन सरार्फ, देव खनाल, गुलशन झा, सोमपाल कामी, भीम सार्की, श्याम ढकाल, प्रतिश जि.सी, ललित राजवंशी, किशोर महतो, सन्दीप जोरा र सूर्य तामाङ ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]