1 year ago
July 7, 2023
काठमाडौं (हाम्रो खेलकुद) – नेपालका अनुभवी ब्याटर ज्ञानेन्द्र मल्ल र करण केसीलाई एक सातापछि श्रीलंकामा हुने एसिसी इमर्जिङ टिम्स एसिया कपको लागि टोलीमा विश्राम दिएको छ । रोहित पौडेलको कप्तानीमा घोषणा टोलीमा नेपालले युवा खेलाडीलाई मौका दिदै ज्ञानेन्द्र र करण केसीलाई विश्राम दिएको छ ।
जिम्बावेमा विश्वकप छनोटमा करण केसीले उत्कृष्ट प्रदर्शन गरेका थिए । नयाँ बलका साथ सानदार प्रदर्शन गरेका करणले ६ खेलमा १२ विकेट लिएका थिए । अमेरिकाविरुद्ध पावर प्लेमै ४ विकेट लिँदै सनसनी मच्चाएका थिए । उता सोमपाल भने टोलीमा फर्किएका छन् । सोमपाल जिम्बावेसँगको खेलको क्रममा घाइते भएपछि बाँकी खेल गुमाएका थिए ।
करण नहुँदा नेपालको तीव्र गतिको बलिङ आक्रामण किशोर महतो, सोमपाल कामी, प्रतिश जि.सी र गुलशन झाले सम्हाल्नेछन् । त्यस्तै अनुभवी ब्याटर ज्ञानेन्द्र मल्ल पनि नेपालको टोलीमा छैनन् । ज्ञानेन्द्रले गत मार्चपछि पहिलो पटक विश्वकप छनोटमा युएई र आयल्यान्डसँग खेल्ने मौका पाएका थिए ।
ज्ञानेन्द्रले युएईसँग १३ र आयरल्यान्डसँग ७ रनमा आउट भएका थिए । देव खनाल र सन्दीप जोरालाई मौका दिएको छ । नेपालले तेस्रो नम्बरमा देव खनाललाई मौका दिने सम्भावना छ । देव गतवर्ष भदौंपछि नेपाली टोलीमा फर्किएका हुन् ।
प्रतियोगिता १३ जुलाई देखी २३ जुलाई सम्म श्रीलंकामा हुनेछ । नेपाल समूह बी मा छ । नेपाल, युएई, पाकिस्तान र भारत ए छन् । त्यस्तै समूह ए मा श्रीलंका, बंगलादेश, अफगानिस्तान र ओमान छन् । पाँच टेस्ट टोलीको भने यू२३ को टोली आउने छन् । एसिएट टोलीले भने आफ्नो पहिलो रोजाईका खेलाडी पठाउनेछन् ।
नेपालले १४ जुलाईमा पाकिस्तान ए सँग खेल्नेछ । नेपालले दोस्रो खेल १७ जुलाई मा भारत ए सँग खेल्नेछ । नेपालले १९ जुलाईमा युएईसँग खेल्नेछ । यदि शीर्ष दुईमा रहन सके नेपालले २१ जुलाईमा सेमिफाइनल खेल्नेछ । फाइनल २२ जुलाईमा हुनेछ ।
नेपालको टोली :
कुशल भुर्तेल, आसिफ शेख, अर्जुन साउद, रोहित पौडेल (कप्तान), कुशल मल्ल, आरिफ शेख, देव खनाल, गुलशन झा, सोमपाल कामी, भीम सार्की, श्याम ढकाल, प्रतिश जि.सी, ललित राजवंशी, किशोर महतो, सन्दीप जोरा र सूर्य तामाङ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]