12 months ago
July 5, 2023
काठमाडौं (हाम्रो खेलकुद) – पछिल्लो चार महिनामा नेपाली क्रिकेटका तीन टोलीले अपराजित बन्दै अन्तर्राष्ट्रिय उपाधि जितेका छन् । नेपाली यू१६ टोलीले मंगलबार एसिसी इस्ट जोन कपको फाइनलमा मलेसियालाई २ सय २१ रनको फराकिलो अन्तरले हराउँदै उपाधि जित्यो ।
नेपालको यू-१६, यू-१९ हुँदै सिनियर टोलीले अपराजित रहँदै उपाधि जितेको संयोग बनेको हो । नेपाली यू-१९ क्रिकेट टोलीले गत फागुनमा युएईमा सम्पन्न आइसिसी विश्वकप एसिया क्षेत्र छनोटमा अपराजित रहँदै उपाधि जितेको थियो ।
उक्त यू-१९ विश्वकप छनोटमा नेपाल ५ खेलमा १० अंकका साथ शीर्ष स्थानमा रहँदै उपाधि जितेको थियो । उपाधिका साथ नेपाल ८ वर्षपछि २०२४ मा श्रीलंकामा हुने यू–१९ विश्वकप खेल्न पाएको थियो ।
उक्त प्रतियोगितामा नेपालले पहिलो खेलमा सिंगापुरलाई ९६ रन, दोस्रो खेलमा कुवेतलाई २ सय ४३ रन, तेस्रो खेलमा हङकङलाई ९ विकेट, चौथो खेलमा मलेसियालाई १० विकेट र अन्तिम खेलमा युएईलाई ७ रनले हराएको थियो ।
निर्णायक खेलमा युएईविरुद्ध नेपालले अविश्वसनीय जित हात पारेको थियो । युएईलाई जितको लागि अन्तिम १८ बलमा ११ रन चाहिँदा स्पिनर दीपेश कँडेलले ४८ औं ओभरको अन्तिम तीन बलमा लगातार तीन विकेट लिँदै नेपालको विश्वकप सपना पूरा गरेका थिए ।
नेपालको सिनियर टोलीले गत वैशाखमा घरेलु मैदान टियुमा उपाधि जितेको थियो । नेपालले समूह चरणमा मलेसियालाई ६ विकेट, ओमानलाई ८४ रन, कतारलाई ६८ रनले हराउँदा साउदी अरेवियासँग वर्षाको कारण खेल हुन सकेको थिएन । सेमिफाइनलमा कुवेतसँगको खेल वर्षाले रद्द हुँदा फाइनलमा युएईलाई हराएको थियो ।
उपाधि जित्दै नेपालले एसिया कपमा भारत र पाकिस्तानसँग भेट पक्का गरेको थियो । नेपालले आगमी अक्टोबर नोभेम्बरमा एसिया कप खेल्नेछ । यता यू१६ टोलीले नेपालले मंगलबार इस्ट जोनको उपाधि जित्यो ।
समूह चरणमा नेपालले थाईल्यान्डलाई २ सय २५ र मलेसियालाई ८४ रनले हराउँदै सेमिफाइनलमा स्थान बनाएको थियो ।
सेमिफाइनल खेलमा नेपालले सिंगापुरलाई ९७ रनले हराउँदै फाइनल खेलेको थियो ।
फाइनलमा मलेसियालाई हराउँदै उपाधिमा ह्याट्रिक गरेको थियो । नेपालका कुनैपनि टोलीले एक खेल हारेनन् । सबै टोली अपराजित रहँदै च्याम्पियन बनेका हुन् ।
July 1, 2024
एजेन्सी – भारतीय क्रिकेट टोलीका अल राउन्डर रविन्द्र जडेजाले टि ट्वान्टी आई क्रिकेटबाट सन्न्यास लिएका छन्। भारतले शनिबार दक्षिण अफ्रिकालाई ७ रनले हराउँदैटि ट्वान्टीबाट विश्वकपको उपाधि जितेको थियो। त्यसपछि स्टार ब्याटर विराट कोहली र त्यसपछि कप्तान रोहित शर्माले टि ट्वान्टी आईबाट सन्न्यासको घोषणा गरेका थिए। त्यसपछि जडेजाले पनि टि ट्वान्टी आईबाट सन्न्यास लिएको घोषणा गरेका […]
June 30, 2024
एजेन्सी – टि ट्वान्टी विश्वकप उपाधि जितेपछि भारतीय क्रिकेट टोलीका कप्तान रोहित शर्माले टि ट्वान्टी आईबाट सन्न्यासको घोषणा गरका छन्। त्यसअघि पूर्व कप्तान विराट कोहलीले पनि टि ट्वान्टीबाट सन्न्यासको घोषणा गरेका थिए ।’यो मेरो अन्तिम खेल हो , फाइनल पछिको पत्रकार सम्मेलनमा रोहितले भने,’ जति बेलादेखि मैले यो फर्मेट खेल्न थाले रमाइलो लाग्थ्यो। मैले हरेक […]
June 30, 2024
एजेन्सी – भारतीय क्रिकेट टोलीका ब्याटर विराट कोहलीले टि ट्वान्टी आई क्रिकेटबाट सन्न्यासको घोषणा गरका छन्। भारतलाई दोस्रो पटक टि ट्वान्टी विश्वकप उपाधि जिताउने क्रममा विराटले प्लेयर अफ दि म्याच प्रदर्शन गरेका थिए। सेमिफाइनलसम्म नचलेका कोहलीले फाइनलमा ५९ बलमा ६ चौका र २ छक्कासहित ७६ रन बनाएका थिए। भारतले १७ वर्षपछि टि ट्वान्टी र १३ […]