1 year ago
July 3, 2023
एजेन्सी – ओपनर विक्रमजितको शतक र वेस्ली ब्यारेसीको उत्कृष्ट ब्याटिङमा नेदरल्यान्ड्सले आइसिसी विश्वकप छनोटको सुपर सिक्स खेलमा ओमानलाई डकवर्थ लेविस पद्धतिको आधारमा ७४ रनले पराजित गरेको छ । यो जितसँगै नेदरल्यान्ड्सले आगमी अक्टोबर नोभेम्बरमा भारतमा हुने विश्वकप सम्भावना कायमै राखेको छ ।
जितको लागि ३ सय ६३ रनको विशाल विजयी लक्ष्य पछ्याएको ओमान ४४ ओभरमा २४६–६ को अवस्थामा वर्षाको कारण खेल रोकिएको थियो । ओमानका आयन खान ९२ बलमा ११ चौका र २ छक्कासहित १ सय ५ रनमा नट आउट रहेपनि त्यो जितको लागि पर्याप्त हुन सकेन । आयन खानको यो पहिलो शतक हो ।
शोएब खान ६१ बलमा ५ चौकासहित ४६, कश्याप प्रजापति २५, जतिन्दर सिंह १७ र कार्यवाहक कप्तान अकिब इलियास ४ रनमा आउट भए । नियमित कप्तान जिशान मकसुद घाइते हुँदा अकिबले खेलमा कप्तानी गरेका थिए । नेदरल्यान्ड्सका स्पिनर आर्यन दत्तले १० ओभरमा ३१ रन खर्चेर सर्वाधिक ३ विकेट लिए । रायन केलिनले दुई विकेट लिए ।
त्यसअघि हरारे स्पोर्ट्स क्लबमा टस हारेर पहिला ब्याटिङको निम्तो पाएको नेदरल्यान्ड्सले निर्धारित ४८ ओभरमा ७ विकेट गुमाउँदै ३ सय ६२ रन बनायो । नेदरल्यान्ड्सका ओपनर विक्रमजित सिंह १ सय ९ बलमा ११ चौका र २ छक्कासहित १ सय १० रनको शतकीय इनिङ खेले । करिअरको पहिलो शतक प्रहार गरेका उनी खेलको प्लेयर अफ द म्याच चुनिए ।
वेस्ली ब्यारेसी ६५ बलमा १० चौका र ३ छक्कासहित ९७ रनमा आउट भए । बिलाल खानको बाउन्सर बलमा एज लागेर विकेटकिपर सुरज कुमारबाट क्याच आउट भएपछि शतक बनाउन तीन रनले चुकेका थिए ।
पहिलो विकेटका लागि म्याक्स ओडाउड र व्रिकमजितले १ सय १७ रनको सानदार शतकीय साझेदारी गरेका थिए । उडाउड ६४ बलमा १ चौका र १ छक्कासहित ३५ रनमा आउट भए ।
प्रमुख अलराउन्डर बासि डि लिडले १९ बलमा ५ चौका र १ छक्कासहित ३९ तथा सकिब जुलफिकर १७ बलमा ३ चौका र २ छक्कासहित ३३ रन बनाए । ओमानका बिलाल खानले १० ओभरमा ७५ रन खर्चेर ३ विकेट लिए । मोहम्मद नदिमले दुई, फैयाज बट र आयन खानले समान एक विकेट लिए ।
नेदरल्यान्ड्स ४ खेलमा २ मा जित र २ मा हारका साथ ४ अंकका साथ चौथो स्थानमा छ । नेदरल्यान्ड्सले अन्तिम खेल बिहीबार स्कटल्यान्डसँग खेल्नेछ । उक्त खेलमा नेदरल्यान्ड्स विजयी हुँदा ६ अंक हुनेछ । तर ६ अंक भने विश्वकप खेल्न पर्याप्त हुनेछैन । ६ अंकका साथ विश्वकप खेल्न उता स्कटल्यान्डले मंगलबार जिम्बावेलाई पनि हराउनु पर्ने हुन्छ । जिम्बाले हार्दा र अन्तिम खेलमा नेदरल्यान्ड्स विजयी हुँदा तीन टोलीको समान ६ अंक हुनेछ । यो अवस्थामा नेटरनरेटमा माथि रहँदै नेदरल्यान्ड्सले विश्वकप खेल्न सक्छ ।
श्रीलंका ४ खेलमा ८ अंकका साथ विश्वकपमा पुगेको छ । जिम्बावे ४ खेलमा ३ मा जित र १ मा हारसहित ६ अंकका साथ दोस्रो स्थानमा छ । मंगलबार स्कटल्यान्डलाई हराउन सके जिम्बावे विश्वकपमा पुग्नेछ ।
अन्यथा अन्य टोली र नेटरनरेटमा निर्भर पर्नेछ । स्कटल्यान्ड ३ खेलमा २ मा जित र १ मा हारका साथ ४ अंकका साथ तेस्रो स्थानमा छ । ४ खेलमा जित विहीन बनेका ओमान र तीन खेलमा जित निकाल्न नसकेको वेस्टइन्डिज विश्वकप दौडबाट बारि सकेका छन् ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]