काठमाडौं (हाम्रो खेलकुद) – नेपाली क्रिकेट टोलीका अलराउन्डर दीपेन्द्रसिंह ऐरीले मुख्य प्रशिक्षक मोन्टी देशाईको कारण खेलाडीहरु विकेट गएपनि खुुलेर खेल्न सक्ने भएको बताएका छन् । आइसिसी विश्वकप छनोटको प्लेअफ खेलमा युएईलाई तीन विकेटले हराउन सानदार प्रदर्शन गर्दै प्लेयर अफ द म्याच चुनिएपछि दीपेन्द्रले उक्त प्रतिक्रिया दिएका हुन् ।

‘सरले गर्दा ब्याटरहरु पनि खुलेर खेलेका छन् । पहिला यसरी खुलेर खेल्दैनन् थिए । अहिले जति विकेट गएपनि अर्को ब्याटर खुलेर खेलेको छ । त्यसले धेरै सहयोग भएको छ हामीलाई’, दीपेन्द्रले भने ।

जितको लागि जितको लागि १ सय ८२ रनको विजयी लक्ष्य पछ्याएको नेपालले ४३=२ ओभरमा ७ विकेट गुमाउँदै पूरा गर्यो । नेपालको जितमा दीपेन्द्रसिंह ऐरी ८५ बलमा ७ चौका र २ छक्कासहित ७९ रनमा अविजित रहे ।

दीपेन्द्रले नेपाललाई एक समय २०.५ ओभरमा ६३-६ को अवस्थाबाट खेल जिताएका थिए । दीपेन्द्रले खेलेको यो आफ्नो करिअरको एक उत्कृष्ट इनिङ हो । दीपेन्द्रले यो भन्दा राम्रो घरेलु मैदान टियुमा स्कटल्यान्डविरुद्ध खेलेको बताउँछन् ।

‘मेरो करिअरको उत्कृष्ट इनिङ होईन । यसअघि पनि मैले नेपालमा खेलेको थिए । नेपालमा ८५ रन थियो । अहिले पनि फेरि त्यस्तै अवस्था थियो’, दीपेन्द्रले भने ।

दीपेन्द्रले आइसिसी विश्वकप लिग २ मा टियु क्रिकेट मैदानमा स्कटल्यान्डविरुद्ध २ सय ७५ रनको विजयी लक्ष्य पछ्याउनेक्रममा ८५ रनको इनिङ खेलेका थिए । टियु क्रिकेट मैदानमा दीपेन्द्रले २०२२ मा पपुवा न्युगिनीविरुद्ध १ सय ५ रनको शतकीय इनिङ खेलेका थिए ।

नेपालले मंगलबार सातौं स्थानको लागि आयरल्यान्डसँग खेल्नेछ । दीपेन्द्र एउटा राम्रो अवसर रहेको बताए । ‘टेस्ट टोलीसँग खेल्ने हाम्रो लागि एउटा अवसर हो’, दीपेन्द्रले भने ।

यो पनि : भारतको दादागिरीले नेपाललाई दुःख!