1 year ago
July 1, 2023
एजेन्सी – नेपालले आइसिसी विश्वकप छनोट २०२३ को प्लेअफ खेलमा आइतबार युएईसँग खेल्दैछ । खेल आइतबार ताकाशिंका स्पोर्ट्स क्लबमा दिउँसो १२ : ४५ मा सुरु हुनेछ ।
यस खेलको विजेता टोलीले सातौं स्थानको लागि आयरल्यान्डसँग खेल्न पाउनेछ । पराजित हुने टोलीले नवौं स्थानको लागि अमेरिकासँग खेल्नुपर्ने हुन्छ । नेपाल समूह ए मा ४ खेलमा ३ मा हार र १ मा जितसहित २ अंकका साथ चौथो स्थानमा रहेर बाहिरिएको थियो । युएई समूह बी को चारै खेलमा हारका साथ बाहिरिएको थियो ।
युएई र नेपालबीचको खेल प्रतिष्ठाको लडाईको रुपमा हेरिएको छ । यी दुई टोलीबीच पछिल्लो समय प्रदर्शन मात्रै नभएर खेलाडीबीच मैदानमा आक्रामक रुपमा प्रस्तुत हुँदै आएका छन् । युएईका रोहन मुस्तफाले नेपाली ब्याटर र बलरलाई आफ्नो हर्कतबाट दबाबमा राख्न खोज्दा मैदानमा विवाद हुँदै आएको छ । मुस्तफासँग सन्दीप, रोहित र आसिफको भनाभन भई सकेको छ ।
नेपाल पछिल्लो समय युएईसँग हाबी भएको छ । पछिल्ला पाँच खेलमा नेपाल चार खेलमा विजयी र एक खेलमा पराजित भएको छ । समग्रमा पछिल्ला पाँच खेलको नतिजा यस प्रकार छ :
५. नेपाल ६८ रनले पराजित
नेपाल पछिल्लो पटक युएईसँग २०२३ मार्च २ मा आइसिसी विश्वकप लिग-२ मा दुबई रंगशालामा युएईसँग ६८ रनले पराजित भएको थियो । आसिफ खान ७२ र रोहन मुस्तफाले ५२ रन जोडेपछि युएईले निर्धारित ५० ओभरमा ८ विकेट गुमाउँदै २ सय ७ रन बनाएको थियो ।
नेपालका सन्दीप लामिछानेले सर्वाधिक ३ विकेट लिएका थिए । जितको लागि २ सय ८ रनको विजयी लक्ष्य पछयाएको नेपाल ३१.५ ओभरमा १ सय ३९ रनमा अल आउट भएको थियो । नेपालका कुशल मल्लले ६० र सन्दीप २६ रन बनाएका थियो । युएईका रोहन मुस्तफा र कार्तिक मयाप्पनले समान तीन विकेट लिएका थिए ।
४. नेपाल ४२ रनले विजयी
नेपाल पहिलो खेलमा पराजित भएपनि दोस्रो खेलमा विजयी भएको थियो । भीम सार्कीले ७० र आरिफ शेखले ४३ रन जोडेपछि नेपालले निर्धारित ५० ओभरमा ८ विकेट गुमाउँदै २ सय २९ रन बनाएको थियो । युएईका जुनैद सिद्दिकले तीन, रोहन मुस्तफा र आयन लाक्राले समान दुई विकेट लिएका थिए ।
उक्त विजयी लक्ष्य पछ्याएको युएई १ सय ८७ रनमा अल आउट भएको थियो । ९४-१ को अवस्थाबाट नेपालले खेलमा सानदार पूनरागमन गरेको थियो । युएईका आसिफ खानले ८२ र आयन लाक्राले ५० रन जोेडेका थिए । नेपालका दीपेन्द्र र सोमपाल कामीले समान तीन विकेट लिएका थिए ।
३. नेपाल १ सय ७७ रनले विजयी
नेपालले टियु क्रिकेट मैदानमा लिग २ मै युएईलाई १ सय ७७ रनको फराकिलो अन्तरले पराजित गरेको थियो । नेपालका कप्तान रोहितले ७७, आरिफ शेखले ४३ र गुलशन झाले ३७ रन बनाएपछि नेपालले २ सय ४८ रन बनाएको थियो ।
२ सय ४९ रनको विजयी लक्ष्य पछ्याएको युएई ७१ रनमा अल आउट भएको थियो । जुन युएईको इतिहासकै ओडिआईको कम योगफल थियो । नेपालका ललित नारायण राजवंशीले सर्वाधिक ५ विकेट लिएका थिए ।
२. नेपाल डकवर्थ लेविस पद्धतिमा ९ रनले विजयी
नेपालले लिग-२ को अन्तिम खेलमा युएईलाई डकवर्थ लेविस पद्धतिको आधारमा ९ रनले हराउने विश्वकप छनोटमा पुगेको थियो । टियु क्रिकेट मैदानमा आसिफ खानले ४२ बलमा ४ चौका र ११ छक्कासहित १ सय १ रन र वृत्य अरविन्दले ९४ रनको इनिङ खेलेपछि ६ विकेट गुमाउँदै ३ सय १० रन बनाएको थियो ।
उक्त विजयी लक्ष्य पछ्याएको नेपाल ४४ ओभरमा ६ विकेट गुमाउँदै २ सय ६९ रन बनाउँदा कट अफ टाइमका कारण खेल रोकिएको थियो । नेपालका कुशल भुर्तेल ५०, भीम सार्की ६७, आरिफ शेख ५२ र गुलशन झाले ५० रन बनाएका थिए । कट अफ टाइमको कारण खेल रोकिएपछि डकवर्थ लेविस पद्धतिमा नेपाल विजयी भएको थियो ।
१. नेपाल ७ विकेटले विजयी
नेपाल र युएईबीच एसिसी प्रिमियर कपको फाइनलमा प्रतिस्पर्धा भएको थियो । वर्षाले निकै प्रभावित खेलमा युएई १ सय १७ रनमै अल आउट भएको थियो । आसिफ खानले सर्वाधिक ४६ रन बनाएका थिए ।
नेपालका ललितले सर्वाधिक चार, करण र सन्दीपले समान दुई विकेट लिए । उक्त विजयी लक्ष्य पछ्याएको नेपालले ३०.३ ओभरमा ३ विकेट गुमाउँदै पूरा गरेको थियो । नेपालका गुलशन झाले ६७ र भीम सार्कीले सर्वाधिक ३६ रन बनाएका थिए । एसिया कपमा छनोट हुँदै भारत र पाकिस्तानसँग खेल्न पाएको थियो ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]