1 year ago
July 2, 2023
काठमाडौं (हाम्रो खेलकुद) – नेपाल क्रिकेट संघ (क्यान) ले माथिल्लो मुलपानी क्रिकेट मैदानको नाम स्वर्गीय जयकुमार नाथ शाहको नामबाट राख्ने भएको छ । अब मुलपानी मैदानको नाम जेकेएनएस मुलपानी अन्तर्राष्ट्रिय क्रिकेट मैदान रहनेछ ।
क्यानको शुक्रबार बसेको बोर्ड बैठकले उक्त निर्णय गरेको हो । नेपाली क्रिकेटमा उनले दिएको अतुलनीय योगदानको कारण शाहको नामबाट मुलपानी मैदान नामाकरण गरिने भएको छ । दुई महिना अघि मात्रै मुलपानी क्रिकेट मैदानमा एसिसी प्रिमियर कपबाट अन्तर्राष्ट्रिय प्रतियोगिता सुरु भएको थियो । प्रिमियर कपको सेमिफाइनलमा युएई र ओमानको खेलबाट ओडिआई मान्यता समेत पाएको थियो ।
को हुन् मुलपानी मैदान नामाकरण गरिएका स्वर्गीय जयकुमार नाथ शाह ?
राजकीय परिवारमा जन्मिएका उनी भारतमा अध्यनको लागि गएपछि त्यहाँबाट फर्केपछि नेपाली क्रिकेटको जगको रुपमा काम गरेका थिए । उनको २०७४ भदौ २१ मा नर्भिकमा उपचारका क्रममा ८९ वर्षे उमेरमा निधन भएको थियो । क्यान नेतृत्वमा जय र विनयराज पाण्डेको योगदान सधैं उदाहरणको रुपमा रहँदै आएको छ ।
सन् १९६५ देखि २००१ सम्म नेपाल क्रिकेट संघ क्यानमा जयकुमार नाथ शाह अध्यक्ष र विनयराज पाण्डेले महासचिवको रुपमा रहेका थिए । शाहले छाडेपछि पाण्डेले क्यान नेतृत्व सम्हालेका थिए ।
शाहले २०२२ सालदेखि ४० वर्ष उनले क्यानको नेतृत्व गरका थिए । क्यानको नेतृत्वमा आउनुअघि उनी राष्ट्रिय खेलाडी समेत थिए । गणतन्त्र स्थापना हुनुअघि चार दशक क्यानको अध्यक्ष रहेका शाहकै नेतृत्वमा नेपालको क्रिकेट विकासको जग हालिएको बताइन्छ ।
अन्तर्राष्ट्रिय क्रिकेट परिषद (आइसीसी) को लाइफटाइम सर्भिस अवार्ड पाउने शाह पहिलो नेपाली हुन् । उनले २००३ मा उक्त अवार्ड प्राप्त गरेका थिए । ४० वर्ष क्यानमा बिताएपछि उनले २०६२ सालमा पदबाट राजीनामा दिएका थिए । उनी एसियन क्रिकेट काउन्सिल एसिसीको उपाध्यक्ष रहेर पनि केहि समय काम गरेका थिए । उनको नामबाट पहिला नेपालमा राष्ट्रिय क्रिकेट प्रतियोगिता समेत हुन्थ्यो । नेपाली क्रिकेटकै मेरुदण्ड मानिएको जय ट्रफी १८ संस्करण सम्म चलेको थियो ।
क्यानका तत्कालिन अध्यक्ष स्वर्गीय जय कुमार नाथ शाहको नामबाट वि।सं २०३७ सालमा काठमाडौंमा जय ट्रफी सुरु भएको थियो । जुन नेपालको पहिलो राष्ट्रिय प्रतियोगिता थियो । समयसँगै त्यहि जय ट्रफी नेपाली क्रिकेट विकासको मेरुदण्ड बनेको थियो ।
जय ट्रफीमा ८–९ वटा अञ्चलले नियमीत सहभागिता जनाउँँथे । जय ट्रफीको प्रर्दशनकै आधारमा देशभरबाट खेलाडी छनोट गर्दै काठमाडौं–११ को टोली बनाईएको थियो । जुन काठमाडौं–११ को टोली २०४५ सालमा मैत्रीपुर्ण खेलको लागि थाईल्यान्डको बैंकक हुँदै बंगलदेश गएको थियो । उक्त जय ट्रफीको १८ औं संस्करण २०५८ सालमा काठमाडौंमा अन्तिम पटक भएको थियो ।
राखेपले राष्ट्रिय प्रतियोगिता विभुतीको नाममा मात्रै गर्नुपर्ने भनेपछि जय ट्रफीको अन्तिम संस्करण पनि त्यहि हुन पुग्यो । त्यसपछि राष्ट्रिय प्रतियोगिता विरेन्द्र स्मृती राष्ट्रिय क्रिकेट लिग प्रतियोगिताको नाममा भएको थियो ।
यो पनि पढ्नुहोस्: क्रिकेटको मेरुदण्ड बनेको ‘जय ट्रफी’
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]