1 year ago
June 30, 2023
एजेन्सी – श्रीलंकाले आइसिसी विश्वकप छनोटको सुपर सिक्स खेलमा नेदरल्यान्ड्ससँग खराब ब्याटिङ गरेसँगै संकटमा पुगेको छ । क्विन्स स्पोर्ट्स क्लबमा टस जितेर पहिला ब्याटिङ रोेजेको श्रीलंकाले २७ ओभरमा ६ विकेट गुमाउँदै १ सय १ रन बनाएको छ ।
श्रीलंकाका धनन्जय डि सिल्भा ५९ बलमा ४ चौकासहित ४१ र वानिन्दु हसरंगा ३ रनमा नट आउट छन् । अन्तिम आशाको रुपमा यी दुई ब्याटर छन् । यसपछि आउने सबै बलर हुँदा श्रीलंका संकटमा पुगेको हो ।
समूह चरणमा वेस्टइन्डिजलाई हराउन नायक बनेका तीव्र गतिका बलर लोगन भान बिकले नेदरल्यान्ड्सलाई ड्रिम सुरुवात दिलाएका थिए । बिकले पहिलो ओभरको पहिलो बलमै श्रीलंकाका ओपनर पाथुम निसांकालाई सकिबबाट क्याच गराए । रायन केलिनले चौथो ओभरको पाँचौं बलमा १० रनमा एलबीडब्लू आउट गरे ।
लोगन भान बीकको बलमा सदिरा समाराविक्रमा एक रनमा कप्तान स्कट एडवार्ड्सबाट क्याच आउट भएपछि श्रीलंका ४।५ ओभरमा २७-३ को अवस्थामा पुगेको थियो । बिकले चारिथ असांकालाई तेजा निडामानिरुबाट २ रनमा क्याच गराए ।
स्पिनर सकिब जुफिकरको बलमा दिमुथ करुणारत्ने ३३ रनमा एज लागेर विकेटकिपरबाट क्याच आउट भए । उनले ५१ बलमा २ चौका प्रहार गरे । सकिबको बलमा स्वीप खेलेका कप्तान दासुन शानका मिस भएपछि ५ रनमा एलबीडब्लू आउट हुँदा श्रीलंका २५.१ ओभरमा ९६-६ को दयनीय अवस्थामा पुगेको थियो ।
समूह चरणमा नेदरल्यान्ड्सले वेस्टइन्डिजलाई सुपर ओभरमा हराएको थियो । सुपर ओभरमा लोगन भान बीकले जेसन होल्डरलाई समान तीन चौका र छक्कासहित ३० रन जोड्नुको साथै दुई विकेट लिएका थिए ।
३ सय ७५ रनको लक्ष्य पछ्याउनेक्रममा ३ सय ७४ रनमा पुर्याउँदै बराबर गराउन उनले १४ बलमा ३ चौका र १ छक्कासहित महत्वपूर्ण २८ रन जोडेका थिए । श्रीलंकाले आज टोलीमा एक परिवर्तन गरेको छ । कसुन रजिथाको बलमा दिलशान मदुशानकालाई मौका दिएको छ । श्रीलंका सुपर सिक्समा ४ अंकका साथ आएको छ । नेदरल्यान्ड्स २ अंकका साथ सुपर सिक्समा आएको छ ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]