1 year ago
June 29, 2023
काठमाडौं (हाम्रो खेलकुद) – नेपालले आइसिसी विश्वकप छनोट २०२३ अन्तर्गत प्लेअफ खेलमा आइतबार युएईसँग खेल्नेछ । एसोसिएट टोलीका दुई चर्चित टोलीबीच पुन कडा प्रतिस्पर्धाको अनुमान गरिएको छ । यस टोलीको विजेताले सातौं स्थानको लागि प्रतिस्पर्धा गर्नेछ ।
त्यसै अर्को प्लेअफ खेलमा शुक्रबार अमेरिका र आयरल्यान्डबीच प्रतिस्पर्धा हुनेछ । यस खेलको विजेताले सातौं स्थानको लागि नेपाल र युएईसँगको विजेतासँग खेल्नेछ । नेपालले दुई महिना अघि टियु क्रिकेट मैदानमा युएईलाई ७ विकेटले हराउँदै एसिया कपमा स्थान बनाएको थियो । तर विश्वकप छनोट अघि वार्मअप खेलमा भने नेपाल युएईसँग तीन विकेटले पराजित भएको थियो ।
नेपाल समूह ए बाट ४ खेलमा १ मा जित र ३ मा हारसहित चौथो स्थानमा रहेर प्लेअफ खेल्न लागेको हो । युएई समूह बी मा चारै खेलमा हारका साथ प्लेअफ खेलेको हो । सुपर सिक्स यात्राबाट बाहिरिएका नेपाल र युएईको लागि खेल प्रतिष्ठाको लडाईं र वरियताको लागि प्रतिस्पर्धा हुनेछ ।
नेपाल र युएईबीच ओडिआईमा कुल १४ खेल भएको छ । जसमा नेपाल ८ खेलमा विजयी हुँदा ६ खेलमा पराजित भएको छ । आफ्नो ओडिआई इतिहासमा नेपाल सबैभन्दा बढी खेल नै युएईसँग खेलेको छ । युएईपछि नेपालले पपुवा न्युगिनीविरुद्ध १० खेलमा ८ मा जित र २ मा हार व्यहोरेको छ ।
नेपालले रोहित पौडेल कप्तानीमा युएईविरुद्ध आइसिसी विश्वकप लिग–२ मा चार र प्रिमियर कपको फाइनलमा गरि पाँच खेल खेलेको छ । रोहितको कप्तानीमा युएईविरुद्ध ४ मा जित र १ मा हार व्यहोरेको छ ।
नेपालले पछिल्लो पटक युएईसँग २ मार्चमा विश्वकप लिग २ मा नै उसकै मैदानमा ६८ रनले पराजित भएको थियो । त्यसपछि भने नेपालले युएईमाथि सहज जित हात पार्दै आएको छ । दुबई इन्टरनेशल मैदानमा ४२ रनले हराउँदा टियुमा १ सय ७७ रन, डकवर्थ लेविस पद्धतिको आधारमा ९ रन र ७ विकेटले हराएको थियो ।
आइसिसी विश्वकप लिग २ को अन्तिम खेलमा ३ सय ११ रनको विशाल विजयी लक्ष्य पछ्याउनेक्रममा ४४ ओभरमा ६ विकेट गुमाउँदै २ सय ६९ रन बनाउँदा कट अफ टाइमको कारण खेल रोकिएको थियो । अनि नेपाल विजयी हुँदा विश्वकप छनोटमा पुगेको थियो ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]