1 year ago
June 28, 2023
काठमाडौं (हाम्रो खेलकुद) – नेपालको बलिङ सामु मलेसियामा जारी एसिसी यू–१६ इस्टर्न जोन कपमा थाईल्यान्डका ८ खेलाडी शून्यमा आउट भएका छन् । नेपालसँग २ सय २५ रनको फराकिलो अन्तरले पराजित हुनेक्रममा थाईल्यान्डका ९ खेलाडीले दोहोरो अंकमै रन बनाउन सकेनन् ।
जितको लागि २ सय ७० रनको विजयी लक्ष्य पछ्याएको थाईल्यान्ड १३.२ ओभरमा ४४ रनमा अल आउट भएको थियो । थाईल्यान्डका ८ खेलाडी शून्यमै आउट भएका थिए ।
थाईल्यान्डका ब्याटर डनुफोन फुआंयोटपिनिट १२, ईशान बानेर्जीले १६ र नतपाखान मनून ४ रनमा आउट भए । अन्य कुनैपनि ब्याटरले नेपालको बलिङ सामु खाता खोल्न सकेनन् । नेपालले १२ रन अतिरिक्त दिएको थियो । अर्थात थाईल्यान्डका ब्याटरले मात्रै ३२ रन जोडेका थिए ।
थाईल्यान्डका आशिर्वाद नारायण, जित सादा, फनुवत देसुङनोएन, रत्थसात वानिताखाम, सुथिमोन थङ्सोम, पियावत नोर्डी, चाणकर्ण बुवाजुन र सुफानत मुआंगसाई खाता नखोली आउट भएका थिए । थाईल्यान्डलाई ४४ रनमै अल आउट गर्न युवा स्पिनर सन्तोष यादवले घातक बलिङ गर्दै ह्याट्रिकसहित पाँच विकेट लिए ।
उनले १२ औं ओभरको अन्तिम बलमा सुथिमोन थाङसोमलाई एलबीडब्लू आउट, १४ औं ओभरको पहिलो बलमा प्रियावत नोर्दीलाई बोल्ड र दोस्रो बलमा सुफानत मुआंगसाईलाई एलबीडब्लू आउट गर्दै ह्याट्रिकसहित आफ्नो पाँच विकेट पूरा गरेका थिए । सन्तोषले ३.२ ओभरमा १ मेडनसहित ८ रन खर्चेर ५ विकेट लिए । स्पिनर अशोक धामीले तीन र अभिषेक तिवारीले दुई विकेट लिए ।
त्यसअघि मलेसियाको बांगीमा टस जितेर पहिला ब्याटिङ रोजेको नेपालले निर्धारित ३५ ओभरमा ८ विकेट गुमाउँदै २ सय ६९ रन बनाएको थियो । नेपालको जितमा निरज कुमार यादवले ४३ बलमा ७ चौका र ६ छक्कासहित ७४ रनको इनिङ खेलेका थिए ।
समूह ए मा नेपाल, थाईल्यान्ड र मलेसिया छन् । समूह बी मा सिंगापुर, हङकङ, माल्दिभ्स र इन्डोनएसिया छन् । समूह ए को पहिलो खेलमा मलेसियाले थाईल्यान्डलाई १ सय १८ रनले पराजित गरेको थियो । त्यसैले समूह ए बाट नेपाल र मलेसिया दुबै सेमिफाइनलमा पुगेका छन् । नेपालले मलेसियासँग शुक्रबार खेल्नेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]