1 year ago
June 29, 2023
काठमाडौं (हाम्रो खेलकुद) – नेपाली क्रिकेट टोलीका स्पिनर सन्दीप लामिछानेको आइसिसी विश्वकप छनोट २०२३ मा समूह चरणमा प्रदर्शन अपेक्षा अनुसार हुन सकेन ।
नेपाल ४ मध्य तीन खेलमा हारका साथ समूह चरणबाटै बाहिरिन पुग्यो । सन्दीपले पुरै खेलमा आफ्नो सबै स्पेल गर्दा मात्रै तीन विकेट लिन सके । सन्दीपले ४ खेलमा ४० ओभर बलिङ गर्दै २ सय ४५ रन खर्चेर ३ विकेट मात्रै लिन सफल भए । उनको उत्कृष्ट प्रदर्शन २–६० थियो ।
सन्दीप पहिलो खेलमै जिम्बावेविरुद्ध ७७ रन खर्चिदा विकेट लिन सकेका थिएनन् । उक्त प्रदर्शन नेपालबाट ओडिआईमा एकै खेलमा बलरले खर्चेको चौथो धेरै रन थियो । उक्त खेलसँगै ओडिआईमा लगातार ३३ इनिङमा विकेट लिने यात्रा सन्दीपको समाप्त भएको थियो ।
उनी ओडिआईमा सर्वाधिक ३३ इनिङमा लगातार विकेट लिने पहिलो बलर हुन् । उनीपछि अष्ट्रेलियाका पूर्व तीव्र गतिका बलर ब्रेट लीले लगातार २६ इनिङमा विकेट लिएका थिए । नेपालबाट सोमपाल कामीले २०२२ मा पपुवा न्युगिनीविरुद्ध ९ ओभरमा ८१ रन खर्चेका थिए ।
वेस्टइन्डिजविरुद्ध नै करण केसीले १० ओभरमा ८१ रन खर्चेका थिए । सन्दीप टियुमा युएईविरुद्ध गत मार्चमा १० ओभरमा ८० रन खर्चेका थिए । त्यसपछिको यो खराब प्रदर्शन हो ।
सन्दीपले विश्वकप छनोटमा अमेरिकाविरुद्ध ५८ रन खर्चिदा विकेट लिन सकेका थिएनन् । सन्दीप पहिलो पटक ओडिआईमा लगातार दोस्रो पटक विकेट विहीन बनेका थिए । सन्दीपले वेस्टइन्डिजविरुद्ध १० ओभरमा १ मेडनसहित ५० रन खर्चेर १ विकेट लिएका थिए । नेदरल्यान्ड्सविरुद्ध सन्दीपले १० ओभरमा ६० रन खर्चेर २ विकेट लिएका थिए । त्यो नै यस प्रतियोगितामा सन्दीपको उत्कृष्ट प्रदर्शन रह्यो ।
विश्वकप छनोटमा नेपालबाट सर्वाधिक धेरै गुलशन झाले ४ खेलमा ६ विकेट लिएका थिए । ललित नारायण राजवंशीले ३ खेलमा ४ विकेट र करण केसीले ४ खेलमा ५ विकेट लिए । दीपेन्द्रले तीन विकेट लिए ।
सोमपाल कामीले ५.३ ओभर बलिङ गर्दै ३० रन खर्चेर १ विकेट लिए । उनी जिम्बावेविरुद्ध पहिलो खेलमै घाइते भएपछि पुरै प्रतियोगिता बाहिरिन पुगेका थिए ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]