1 year ago
June 25, 2023
काठमाडौं (हाम्रो खेलकुद) – अनुभवी बायाँ हाते ओपनर दिमुथ करुणारत्नेको शतकमा श्रीलंकाले आइसिसी विश्वकप छनोटमा आयरल्यान्डलाई ३ सय २६ रनको विशाल लक्ष्य दिएको छ । क्विन्स स्पोर्ट्स क्लबमा टस हारेर पहिला ब्याटिङको निम्तो पाएको श्रीलंका ४९.५ ओभरमा ३ सय २५ रनमा अल आउट भयो ।
श्रीलंकाका दिमुथ करुणारत्नेले १ सय ३ बलमा ८ चौकासहित १ सय ३ रनमा आउट भए । ओडिआई करिअरको पहिलो शतक हानेका दिमुथ मार्क आदिरको बलमा बोल्ड आउट भए । त्यस्तै सदिरा समराविक्रमा ८६ बलमा ४ चौकासहित ८२ रनमा आउट भए ।
तेस्रो विकेटका लागि सदिरा र दिमुथले १ सय ६८ रनको सानदार शतकीय साझेदारी गरेका थिए । चरिथ असलंका ३० बलमा १ चौका र २ छक्कासहित ३८ रनमा आउट भए । धनन्जय डि सिल्भा ३५ बलमा ४ चौका र १ छक्कासहित ४२ र पाथुम निसांका २० रनमा आउट भए ।
आयरल्यान्डका मार्क आदिरले ९.५ ओभरमा १ मेडनसहित ४६ रन खर्चेर ४ विकेट लिए । ब्यारी म्याकार्थीले ९ ओभरमा १ मेडनसहित ५६ रन खर्चेर ३ विकेट लिए । प्रमुख तीव्र गतिका बलर जोशुवा लिटिलले ८ ओभरमा ७८ रन खर्चिदा विकेट लिन सकेनन् । ग्यारेथ डेलानीले १० ओभरमा ५२ रन खर्चेर २ विकेट लिए ।
सुरुवाती दुई खेलमा पराजित भएको आयरल्यान्डलाई सुपर सिक्स पुग्ने आशा कायमै राख्न श्रीलंकालाई हराउनै पर्ने हुन्छ ।
October 18, 2024
काठमाडौं (हाम्रो खेलकुद) – दीपेन्द्रसिंह ऐरीको अलराउन्ड प्रदर्शनमा अमेरिकाविरुद्धको पहिलो टि ट्वान्टीमा नेपालले जित हासिल गरेको छ । डालसस्थित ग्रान्ड प्रेरीमा भएको पहिलो टि ट्वान्टी आई खेलमा नेपालले अमेरिकामाथि १७ रनको जित हात पार्यो । यो जितसँगै नेपालले अमेरिकाविरुद्धको ३ खेलको टि ट्वान्टी आई सिरिजमा १-० को अग्रता बनाएको छ । दीपेन्द्रले ब्याटिङतर्फ १७ बलमा […]
October 18, 2024
एजेन्सी – घरेलु टोली श्रीलंकाले वेस्ट इन्डिजविरुद्धको टि ट्वान्टी सिरिजमा जित हासिल गरेको छ । श्रीलंकाको दाम्बुलामा बिहीवार भएको तेस्रो तथा निर्णायक खेलमा वेस्ट इन्डिजमाथि ९ विकेटको सानदार जित दर्ता गर्दै घरेलु टोलीले सिरिजमा जित हात पारेको हो । तीन खेलको टि ट्वान्टी सिरिज घरेलु टोलीले २-१ ले जित हात पायो । पाहुना टोलीले दिएको […]
October 18, 2024
काठमाडौं(हाम्रो खेलकुद) – नेपालले अमेरिकाका दुवै ओपनरलाई आउट गराएको छ । अमेरिकाको डालसस्थित ग्रान्ड प्रेरी क्रिकेट स्टेडियममा जारी खेलमा अमेरिकाका दुवै ओपनर आउट भएका हुन् । पहिलो विकेटका रुपमा ओपनर साइतेजा मुककामल्ला करण केसीको बलमा कप्तान रोहितकुमार पौडेलबाट समातिए । उनी दोस्रो ओभरको पाँचौ बलमा २ रन बनाउँदै आउट भएका थिए । पहिलो विकेटका लागि […]