1 year ago
June 23, 2023
एजेन्सी – भारतीय युवा अलराउन्डर यशस्वी जैसवाल र ऋतुराज गायकवाड पहिलो पटक भारतीय टेस्ट टोलीमा परेका छन् । भारतले वेस्टइन्डिजसँग हुने ओडिआई र टेस्ट सिरिजको लागि आफ्नो टोली घोषणा गरेकोछ ।
इन्डियन प्रिमियर लिग (आइपिएल) मा राजस्थान रोयल्सबाट सानदार प्रदर्शन गरेका जैसवाल पहिलो पटक भारतीय टोलीमा परेका छन् । अघिल्लो महिना उनी आइसिसी विश्व टेस्ट च्याम्पियनसिपको फाइनलमा अष्ट्रेलियाविरुद्ध वैकल्पिक खेलाडीको सूचिमा परेका थिए । उनले २०२० को भारतीय यू१९ विश्वकप टोलीबाट उत्कृष्ट प्रदर्शनका साथ सर्वोत्कृष्ट खेलाडी चुनिएका थिए ।
जैसवालले यस सिजनको आइपिएलमा १४ खेलमा १ शतक र ५ अर्धशतकसहित ६ सय २५ रन बनाएका थिए । २१ वर्षीय ओपनर जैसवालले कोलकाता नाइट राइडर्सविरुद्ध ४७ बलमा १२ चौका र ५ छक्कासहित ९८ रनको इनिङ खेलेका थिए ।
जसक्रममा उनले १३ बलमै अर्धशतक हानेका थिए । जुन आइपिएल इतिहासकै सर्वाधिक छिटो बलमा अर्धशतक थियो ।
जैसवालले घरेलु क्रिकेटमा पनि त्यतिनै उत्कृष्ट प्रदर्शन गर्दै आएका छन् । १५ प्रथम श्रेणीको खेलमा ९ शतक र २ अर्धशतकसहित १८ सय ४५ रन बनाएका छन् ।
उता चेन्नई सुपर किंग्सलाई च्याम्पियन बनाउन आइपिएलमा लगातार सानदार प्रदर्शन गर्दै आएका ऋतुराज गायकवाड पनि भारतीय टेस्ट टोलीमा परेका छन् । भारतले आफ्ना टेस्टका प्रमुख तथा सर्वाधिक अनुभवी ब्याटर चेतेश्वर पुजारालाई भने टोलीबाट हटाएको छ । भारत दुई टेस्ट, तीन ओडिआई र पाँच टि२० आई सिरिजको लागि वेस्टइन्डिज भ्रमणमा जानेछ । टेस्ट र ओडिआईको लागि टोली घोषणा गरेको छ ।
पहिलो टेस्ट खेल १२ जुलाई देखी १६ सम्म हुनेछ । दोस्रो टेस्ट २० जुलाई देखी २४ सम्म चल्नेछ । ओडिआई भने २७, २९ जुलाई र १ अगष्टमा हुनेछ ।
भारतको टेस्ट टोली :
रोहित शर्मा (कप्तान), शुभमन गिल, ऋतुराज गायकवाड, विराट कोहली, यशस्वी जैसवाल, अजिक्या रहाणे –उपकप्तान), केएस भरत, ईशान किशन, रविचन्द्रन आश्विन, रविन्द्र जडेजा, शार्दुल ठाकुर, अक्षर पटेल, मोहम्मद शिराज, मुकेश कुमार, जयदेव उनादकट र नवदीप सैनी ।
भारतको ओडिआई टोली :
रोहित शर्मा (कप्तान), शुभमन गिल, ऋतुराज गायकवाड, विराट कोहली, सूर्यकुमार यादव, सन्जु स्यामसन, ईशान किशन, हार्दिक पान्ड्या, शार्दुल ठाकुर, रविन्द्र जडेजा, अक्षर पटेल, युजभेन्द्र चहल, कुलदीप यादव, जयदेव उनादकट,मोहम्मद शिराज, उमरान मलिक र मुकेश कुमार ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]