1 year ago
June 21, 2023
काठमाडौं (हाम्रो खेलकुद) – भारतीय तीव्र गतिका बलर जस्प्रित बुमराह भन्दा नेपालका करण केसीले ओडिआई क्रिकेट इतिहासमा पावर प्लेमा उत्कृष्ट सुरुवात गरेका छन् । करणले आइसिसी विश्वकप छनोटमा मंगलबार अमेरिकाविरुद्ध सानदार बलिङ गर्नेक्रममा बुमराहको कीर्तिमानलाई पछि पारेका हुन् ।
करणले पावर प्लेमा ५ ओभर बलिङ गर्दै २ मेडनका साथ ७ रन खर्चेर ४ विकेट लिएका थिए । उक्त प्रदर्शन ओडिआई इतिहासमा बुमराहको भन्दा उत्कृष्ट सुरुवात हो ।
बुमराहले २०२२ मा इंग्ल्यान्डविरुद्ध पहिलो ओडिआईको पावर प्लेमा ५ ओभरमा २ मेडनसहित ९ रन खर्चेर ४ विकेट लिएका थिए । करणको प्रदर्शन ओडिआईकै पावर प्लेमा दोस्रो उत्कृष्ट प्रदर्शन हो ।
ओडिआईमा सुरुवाती १० ओभरमा उत्कृष्ट प्रदर्शन गर्ने कीर्तिमान अमेरिकाका तीव्र गतिका बलर अली खानको नाममा छ । अली खानले आइसिसी प्लेअफ क्वालिफायरमा दुई महिनाअघि जर्सीविरुद्ध ४ ओभरमा १२ रन खर्चेर ५ विकेट लिएका थिए ।
जर्सीविरुद्ध खेलाडीसँग झगडा गरेपछि अली खानले कारबाही स्वरुप एक डीमेरिट प्वाइन्ट पाएका थिए । त्यसैको कारण २४ महिनाभीत्र ४ डीमेरिट प्वाइन्टको भएपछि उनलाई दुई खेलमा प्रतिबन्ध लागेको थियो । वेस्टइन्डिज र नेपालसँगको खेल गुमाउन पुगेका थिए ।
करणको उत्कृष्ट बलिङको सहयोगमा नेपालले अमेरिकालाई ६ विकेटले हराएको थियो । अमेरिकाले दिएको २ सय ७ रनको लक्ष्य नेपालले ४३ ओभरमै ४ विकेट गुमाउँदै पूरा गरेको थियो ।
करणले ८ ओभरमा ३ मेडनसहित १५ रन खर्चेर ४ विकेट लिएका थिए । तर आफ्नो नवौं ओभरमा भने उनले दुई छक्का र एक चौकासहित कुल १८ रन खर्चिन पुगेका थिए । जुन उनले सुरुवाती ८ ओभरमा खर्चेको कुल रन भन्दा पनि अझ बढी थियो । कारण ९ ओभरमा ३ मेडनसहित ३३ रन खर्चेर ४ विकेट लिँदै खेलको प्लेयर अफ द म्याच चुनिए ।
नियमित तीव्र गतिका बलर सोमपाल कामी बायाँ हातको बुढी औलामा चोटका कारण खेलेका थिएनन् । करणले सिनियर खेलाडीको जिम्मेवारी लिँदै उत्कृष्ट प्रदर्शन गर्दा सोमपालको याद महसुस हुन दिएनन् । नेपालले तेस्रो खेल बिहीबार वेस्टइन्डिजसँग खेल्नेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]