1 year ago
June 20, 2023
काठमाडौं (हाम्रो खेलकुद) – नेपाली क्रिकेट टोलीका स्पिनर सन्दीप लामिछाने ओडिआई क्रिकेटमा पहिलो पटक लगातार दुई खेलमा विकेट विहीन बनेका छन् । आइसिसी एकदिवसीय विश्वकप छनोटमा अमेरिकाविरुद्ध सन्दीप विकेट विहीन बनेका छन् ।
सन्दीपले अमेरिकाविरुद्ध १० ओभरमा ५८ रन खर्चिदा विकेट लिन सकेनन् । सन्दीप पहिलो खेलमा आइतबार जिम्बावेविरुद्ध १० ओभरमा ७७ रन खर्चेर विकेट विहीन बनेका थिए । सन्दीपले ४५ ओडिआई खेल खेल्दा पहिलो पटक लगातार दुई खेलमा विकेट विहीन बनेका हुन् ।
सन्दीपले २०१८ अगष्ट १ मा नेदरल्यान्ड्सविरुद्ध ओडिआईमा डेब्यू गरेका थिए । सन्दीप आफ्नो ओडिआई करिअरमा चौथो पटक विकेट लिन नसकेका हुन् । यसअघि सन्दीप आइसिसी विश्वकप लिग २ त्रिकोणात्मक ओडिआई सिरिजमा घरेलु मैदान टियु मैदान ओमानविरुद्ध दुबै खेलमा विकेट विहीन बनेका थिए । तर त्यो लगातार थिएन । ओमानसँग खेलेको अर्को खेलमा अमेरिकाविरुद्ध दुई विकेट लिएका थिए ।
सन्दीपले ४५ ओडिआई खेलमा १ सय ४ विकेट लिएका छन् । सन्दीपले ४२ खेलमै एक सय विकेट पूरा गरेका थिए । जुन ओडिआई इतिहासकै सर्वाधिक छिटो खेलमा १ सय विकेट पूरा गर्ने कीर्तिमान थियो । उनले अफगानिस्तानका स्पिनर राशिद खानको ४४ खेलमा १ सय विकेटको कीर्तिमान तोडेका थिए ।
यता सन्दीप टि२० आईमा भने लगातार दुई खेलमा विकेट विहीन बनी सकेका छन् । सन्दीप २०१८ मा सुरुवाती दुई खेलमा विकेट विहीन बनेका थिए ।
सन्दीपले २०१८ मे मा विश्व ११ बाट वेस्टइन्डिजविरुद्ध टि२० आईमा डेब्यू गर्दै विकेट विहीन बनेका थिए । २०१८ जुलाईमा नेपालको लागि पहिलो टि२० आईमा नेदरल्यान्ड्सविरुद्ध पनि विकेट विहीन बन्न पुगेका थिए ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]