एजेन्सी – ओपनर उस्मान खवाजाको शतकमा अष्ट्रेलियाले द एशेजको पहिलो टेस्ट खेलमा इंग्ल्यान्डविरुद्ध उत्कृष्ट ब्याटिङ गर्दै गतिलो जवाफ दिएको छ । अष्ट्रेलिया पहिलो इनिङमा ३११-५ को अवस्थामा दोस्रो दिनको खेल सकिएको छ । समग्रमा अष्ट्रेलिया पहिलो इनिङमा ८२ रनले पछि छ ।

ओपनर उस्मान खवाजा २ सय ७९ बलमा १४ चौका र २ छक्कासहित १ सय २६ रनमा नटआउट छन् । टेस्ट करिअरको उनको १५ औं शतक हो । उनलाई विकेटकिपर एलेक्स केरीले ८० बलमा ७ चौका र १ छक्कासहित ५२ रनमा साथ दिएका छन् ।

इंग्ल्यान्डलाई तीव्र गतिका बलर स्टुअर्ट बोर्डले डेविड वार्नरलाई ९ रनमा बोल्ड र मार्नस लाबुसेनलाई जोनी बेयरस्टोबाट गोल्डेन डक क्याच गराउँदै उत्कृष्ट सुरुवात दिलाएका थिए । प्रमुख ब्याटर स्टिभ स्मिथ १६ रनमा बेन स्टोक्सको बलमा एलबीडब्लू आउट भए ।

उच्च लयमा रहेका ट्रर्विस हेड ६३ बलमा ८ चौका र १ छक्कासहित ५० तथा क्यामरन ग्रीन ६८ बलमा ४ चौका र १ छक्कासहित ३८ रनमा आउट भए । यी दुबै ब्याटर मोईन अलीको बलमा आउट भएका थिए ।

त्यसअघि बर्मिङ्घमा टस जितेर पहिला ब्याटिङ रोजेको इंग्ल्यान्ड पहिलोे दिन मात्रै ७८ ओभरमा ३९३-८ को अवस्थामा इनिङ समाप्तिको घोषणा गरेको थियो । इंग्ल्यान्डका जो रुट १ सय ५२ बलमा ७ चौका र ४ छक्कासहित १ सय १८ रनमा नट आउट रहे । उनको यो टेस्ट करिअरको ३० औं शतक थियो । अष्ट्रेलियाका नाथन लायनले सर्वाधिक चार विकेट लिएका थिए ।