1 year ago
June 17, 2023
एजेन्सी – नेपालले आइसिसी एकदिवसीय विश्वकप छनोटमा हालसम्म दुई संस्करण मात्रै खेलेको छ । नेपालले २०१४ मा न्युजिल्यान्डमा सम्पन्न एकदिवसीय विश्वकप छनोटमा डेब्यू गरेको थियो । त्यसै प्रतियोगितामार्फत नेपाली खेलाडीले लिष्ट ए मा डेब्यू गरेका थिए ।
नेपालले हालसम्म विश्वकप छनोटमा दुई संस्करण मात्रै खेलेको छ । २०१४ र २०१८ को विश्वकप छनोटमा गरि नेपालले कुल १२ खेल खेलेको छ । जसमा नेपालको जित ३ र हार ९ छ । आइसिसी एकदिवसीय विश्वकप छनोट २०१८ मा नेपालले मात्रै दुई जितले ओडिआई मान्यता पाएको थियो । नेपालले खेलेका दुबै संस्करणमा पहिलो चरणबाटै बाहिरिएको छ ।
यस्तो थियो २०१४ मा नेपालको प्रदर्शन
२०१३ मा डिभिजन थ्रीको उपाधि जितेपछि नेपालले पहिलो पटक एकदिवसीय विश्वकप छनोट खेल्न पाएको थियो । त्यो नेपालले खेलेको सबैभन्दा ठूलो स्तरको क्रिकेट थियो । उक्त विश्वकप छनोटमा नेपाल समूह चरणका सबै चार खेलमा पराजित हुन पुगेको थियो । समूह ए मा नेपाल, स्कटल्यान्ड, हङकङ, युएई र क्यानडा थिए ।
नेपाल पहिलो खेलमा युएईसँग १ सय २ रनको फराकिलो अन्तरले पराजित भएको थियो । जितको लागि २ सय ९८ रनको विशाल विजयी लक्ष्य पछ्याएको नेपाल ४८.१ ओभरमा १ सय ९५ रनमा अल आउट हुन पुगेको थियो । नेपालको तर्फबाट सर्वाधिक धेरै शरद भेषावकरले ५४ रन बनाउँदा सोमपाल कामीले तीन विकेट लिएका थिए ।
नेपाल दोस्रो खेलमा स्कटल्यान्डसँग ९० रनले पराजित भएको थियो । जितको लागि २ सय ५० रनको विजयी लक्ष्य पछ्याएको नेपाल ४६.१ ओभरमा १ सय ५९ रनमा अल आउट भएको थियो । नेपाल हङकङसँग १० विकेटले पराजित भएको थियो । नेपालले दिएको १ सय ५१ रनको लक्ष्य हङकङ ३३.२ ओभरमा पूरा गरेको थियो ।
नेपाल क्यानडासँग १२ रनले पराजित भएको थियो । जितको लागि २ सय ५५ रनको लक्ष्य पछ्याउनेक्रममा निर्धारित ४१ ओभरमा ८ विकेट गुमाउँदै २ सय ४३ रन मात्रै बनाएको थियो । नेपाल नेदरल्यान्ड्ससँग प्लेअफमा ७ विकेटले पराजित भएको थियो । नवौं स्थानको लागि भएको खेलमा नेपालले युगान्डालाई १ सय ६० रन हराएको थियो ।
२०१८ को विश्वकप छनोटमा नेपालको प्रदर्श
२०१८ को एकदिवसीय विश्वकप छनोटमा नेपालले डिभिजन टु को फाइनलमा स्थान बनाउँदै पाएको थियो । नेपाल, जिम्बावे, स्कटल्यान्ड, अफगानिस्तान र हङकङ समूह ए मा थिए ।
नेपाल पहिलो खेलमै जिम्बावेसँग १ सय १६ रनले पराजित भएको थियो । सिकन्दर राजाले ६६ बलमा ९ छक्कासहित १ सय २३ र ब्रेन्डन टेलरले ९१ बलमा १ सय रन बनाएपछि जिम्बावेले ३ सय ८१ रनको लक्ष्य दिएको थियो ।
उक्त विजयी लक्ष्य पछ्याएको नेपालले ८ विकेट गुमाउँदै २ सय ६४ रन बनाएको थियो । नेपालका शरद भेषावकर ५२ र आरिफ शेखले ५० रन बनाएका थिए । दोस्रो खेलमा नेपाल स्कटल्यान्डसँग ४ विकेटले पराजित हुन पुग्यो ।
अफगानिस्तानसँग नेपाल ६ विकेटले पराजित भएको थियो । नेपाल ४९.५ ओभरमा १ सय ९४ रनमा अल आउट भएको थियो । पारस खड्काले सर्वाधिक ७५ रन बनाएका थिए । अफगानिस्तानले उक्त लक्ष्य ३८.४ ओभरमा पूरा गरेको थियो । नेपालले हङकङलाई ५ विकेटले हराएको थियो । त्यसैको कारण प्लेअफ खेल्दै ओडिआई मान्यता पाउने सम्भावना कायमै रहेको थियो ।
नेपालको जितको कारण अफगानिस्तान मात्रै दुई अंकका साथ तेस्रो स्थानमा रहँदै सुपर सिक्समा पुगेको थियो । हङकङलाई हराउन रोहित पौडेलले ४४ रन बनाएका थिए । अफगानिस्तानको विश्वकप खेल्ने आशा कायम राखेपछि तत्कालिन अफगानी कप्तान अस्गर अफगानले रोहितलाई ब्याट उपहार दिएका थिए । सुपर सिक्समा शीर्ष दुईमा रहँदै उपाधिका साथ अफगानिस्तानले विश्वकप खेलेको थियो ।
नेपालले प्लेअफमा पपुवा न्युगिनीलाई ६ विकेटले हराउँदै २०१८ मार्च १५ मा ओडिआई मान्यता पाएको थियो । नेपाल नेदरल्यान्ड्ससँग ४५ रनले पराजित हुँदै आठौं स्थानमा विश्वकप छनोट यात्रा समाप्त गरेको थियो ।
यस पटक पनि जिम्बावेमा नै विश्वकप छनोट हुँदैछ । आइतबार देखी सुरु हुने विश्वकप छनोटको समूह ए मा नेपाल, जिम्बावे, वेस्टइन्डिज, नेदरल्यान्ड्स र अमेरिका छन् । समूह बी मा श्रीलंका, आयरल्यान्ड, स्कटल्यान्ड, युएई र ओमान छन् । नेपालले आइतबार जिम्बावेसँग खेल्दै सुरुवात गर्नेछ । नेपाल पहिलो पटक सुपर सिक्समा स्थान बनाउन चाहन्छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]