1 year ago
June 12, 2023
एजेन्सी – युएईले युवा खेलाडीलाई प्राथमिकतामा राख्दै अर्को सतादेखी जिम्बावेमा हुने आइसिसी एकदिवसीय विश्वकप छनोट खेल्ने अन्तिम टोली घोषणा गरेको छ । मोहम्मद वासिमको कप्तानीमा गरेको युएईको टोलीमा युवा खेलाडीको बाहुल्यता छ ।
वेस्टइन्डिजसँगको डेब्यू सुरुवाती दुई खेलमा अर्धशतक प्रहार गर्ने अली नासिर, युवा ब्याटर इथान डी सोल्झा, सन्चित शर्मा, अर्यांश शर्मा, कार्तिक मयाप्पन, वृत्य अरविन्द, मोहम्मद जवादुल्लाह र आयन खान जस्ता खेलाडी युएईको टोलीमा छन् ।
युएईले वेस्टइन्डिजसँग अन्तिम खेलमा डेब्यू दिएका इथान डी सोल्झालाई टोलीमा समेटेको छ । युएईको सिनियर टोलीबाट एकै मात्रै खेल खेलेका उनी ठूलो सम्भावना बोकेका युवा खेलाडी हुन् । केहि महिना अघि यू१९ विश्वकप एसिया क्षेत्र छनोटमा नेपालविरुद्ध निर्णायक खेलमा सोल्झाले अर्धशतक प्रहार गरेका थिए ।
अली नासिर तीव्र गतिका बलिङ अलराउन्डर हुन् । जसले तल्लोक्रममा ठूलो सटको क्षमता राख्छन् । बायाँ हाते ब्याटर नासिरले टेस्ट टोली वेस्टइन्डिजविरुद्ध दुई अर्धशतक प्रहार गरेपछि टोलीमा मौका पाएका हुन् । वृत्य र आयन खान भने पछिल्लो एक वर्षदेखी युएईका पहिलो रोजाईका खेलाडी हुन् ।
मोहम्मद वासिम, रमिज शाहजाद, आसिफ खान, रोहन मुस्तफा, जुनैद सिद्दिक र जहुर खान जस्ता अनुभवी खेलाडी टोलीमा छन् । विश्वकप छनोट जुन १८ देखी ९ जुलाई सम्म जिम्बावेमा हुनेछ । युएईले मंगलबार नेपालसँग वार्मअप खेल खेल्दैछ । युएई, श्रीलंका, आयरल्यान्ड, स्कटल्यान्ड र ओमान समूह बी मा छन् । समूह ए मा नेपाल, वेस्टइन्डिज, जिम्बावे, अमेरिका र नेदरल्यान्ड्स छन् ।
युएईले बिहीबार वेस्टइन्डिजसँग वार्मअप खेल खेल्नेछ । युएईले १९ जुनमा श्रीलंका, २१ जुनमा ओमान, २३ जुनमा स्कटल्यान्ड र २७ जुनमा आयरल्यान्डसँग खेल्नेछ ।
युएईको टोली :
मोहम्मद वासिम (कप्तान), इथान डी सोल्झा, अली नासिर, वृत्य अरविन्द, रमिज शाहजाद, मोहम्मद जवादुल्लाह, आसिफ खान, रोहन मुस्तफा, आयन खान, जुनैद सिद्दिक, जहुर खान, सन्चित शर्मा, अर्यांश शर्मा, कार्तिक मयाप्पन र बासिल हामिद ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]