1 year ago
June 11, 2023
एजेन्सी – भारतले १० वर्षपछि आइसिसीको उपाधि जित्ने सपना अधुरै बनेको छ । आइसिसी विश्व टेस्ट च्याम्पियनसिप २०२३ को फाइनलमा अष्ट्रेलियासँग २ सय ९ रनको फराकिलो हारसँगै १० वर्षपछि उपाधि जित्ने भारतको सपना पूरा हुन नसकेको हो ।
भारतले आइसिसी प्रतियोगिता उपाधि पछिल्लो पटक सन् २०१३ मा महेन्द्रसिंह धोनीको कप्तानीमा जितेको थियो । भारतले २०१३ को आइसिसी च्याम्पियन्स ट्रफीको फाइनलमा घरेलु टोली इंग्ल्यान्डलाई नै पाँच रनले हराउँदै उपाधि जितेको थियो ।
त्यसपछि भारतले आइसिसीको कुनैपनि नकआउट प्रतियोगिता सिनियर टोलीतर्फ जित्न सकेको छैन । आइसिसीको समूह चरण र लिगमा सानदार प्रदर्शन गर्ने विश्व क्रिकेटको पावर हाउस भारत नकआउट खेलमा भने लगातार खराब प्रदर्शनका साथ १० वर्षदेखी उपाधि बिहीन बन्दै आएको छ ।
भारत पहिलो संस्करणको टेस्ट च्याम्पियनसिपको फाइनलमा २०२१ मा इंग्ल्यान्डको साउथह्याप्टनमा न्युजिल्यान्डसँग ८ विकेटले पराजित भएको थियो । केन विलियम्सन, रस टेलर र काइल जेमिसनको सानदार प्रदर्शनको सहयोगमा न्युजिल्यान्डले भारतलाई हराउँदै उपाधि जितेको थियो ।
भारत २०१४ को टि२० विश्वकप फाइनलमा श्रीलंकासँग ६ विकेटले पराजित भएको थियो । भारत २०१५ को एकदिवसीय विश्वकप सेमिफाइनलमा अष्ट्रेलियासँग ९५ रनले पराजित हुँदै बाहिरिएको थियो । २०१६ को टि२० विश्वकप सेमिफाइनलमा भारत वेस्टइन्डिजसँग घरेलु मैदानमै ७ विकेटले पराजित भएको थियो ।
२०१७ को च्याम्पियन्स ट्रफी फाइनलमा भारत पाकिस्तानसँग १ सय ८० रनले पराजित भएको थियो । २०१९ को एकदिवसीय विश्वकप सेमिफाइनलमा भारत न्युजिल्यान्डसँग १८ रनले पराजित भएको थियो । २०१७ को च्याम्पियन्स ट्रफी र विश्वकप २०१९ इंग्ल्यान्डमै भएका थिए ।
२०२१ को टि२० विश्वकप भने भारत सुपर १२ बाट नै बाहिरिएको थियो । त्यस्तै २०२२ को टि२० विश्वकपको पहिलो सेमिफाइनल खेलमा भारत इंग्ल्यान्डसँग १० विकेटले पराजित हुँदै बाहिरिएको थियो ।
२०२१ देखि सुरु भएको दोस्रो टेस्ट च्याम्पियनसिपमा अष्ट्रेलिया शीर्ष र भारत दोस्रो स्थानमा रहँदै फाइनल खेलेका हुन् । अव आइसिसीको प्रतियोगिताको रुपमा आगमी अक्टोबर नोभेम्बरमा भारतमै एकदिवसीय विश्वकप हुँदैछ । उक्त विश्वकपमा पनि भारत उपाधिको प्रमुख दाबेदार टोली हो ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]