काठमाडौं (हाम्रो खेलकुद) ( कप्तान रोहित पौडेल आउट भएसँगै नेपाल दोस्रो एकदिवसीय अभ्यास खेलमा नेदरल्यान्ड्सविरुद्ध संकटमा पुगेको छ । टस हारेर पहिला ब्याटिङको निम्तो पाएको नेपालले १९ ओभरमा ६ विकेट गुमाउँदै ८४ रन बनाएको छ । नेपालका गुलशन झा १० बलमा ३ चौकासहित १३ र आरिफ शेख ६ रनमा क्रिजमा छन् ।

नेपालका कप्तान रोहित पौडेल ४१ बलमा ४ चौका र १ छक्कासहित ३० रनमा क्याच आउट भए । रोहित स्पिनर शरिज अहमदको १८ औं ओभरको पहिलो बलमा फस्ट स्लिपमा क्याच आउट हुन पुगेका थिए ।

नेपालले पहिलो ओभरको पाँचौं बलमा ओपनर आसिफ शेखलाई चार रनमा गुमाएको थियो । तीव्र गतिका बलर लोगन भान बीकको बलमा आसिफ विकेटकिपर क्रोशबाट क्याच आउट हुन पुगे ।

नेपालले दोस्रो विकेट अर्जुन साउदलाई तेस्रो ओभरमा गुमाएको थियो । बीककै बलमा अर्जुन साउद चार रनमा क्याच आउट भएका थिए । कुशल भुर्तेल रायन क्लेनको चौथो ओभरको चौथो बलमा ९ रनमा एलबीडब्लू आउट भए ।

बीकले सातौं ओभरको दोस्रो बलमा दीपेन्द्रलाई बोल्ड आउट गरे । दीपेन्द्रले १२ बलमा एक चौकासहित ६ रन बनाए । दीपेन्द्र आउट हुँदा नेपाल ६.३ ओभरमा २८–४ को दयनीय अवस्थामा पुगेको थियो ।

भीम र रोहितले पाँचौं विकेटका लागि ३० रनको साझेदारी गरेका थिए । भीम दुर्भाग्य रुपमा १० रनमा रन आउट हुँदै पेभेलिएन फर्किनु पर्यो । रोहितले हानेको बल नन स्ट्राइकमा नेदरल्यान्ड्सका बलरलाई हातमा लाग्दै स्टम्पमा लागेपछि केहि अघि बढेका भीम रन आउटको किशार हुन पुगेका थिए ।