1 year ago
June 9, 2023
एजेन्सी – वेस्टइन्डिजलाई दुई पटक टि२० विश्वकप उपाधि जिताउन सानदार प्रदर्शन गरेका विकेटकिपर जोनसन चार्ल्सलाई विश्वकप छनोटको लागि टोलीमा बोलाएको छ । दुई सातापछि जिम्बावेमा हुने विश्वकप छनोटको लागि वेस्टइन्डिजले घाइते गुडाकेश मोतीको स्थानमा उनलाई टोलीमा बोलाएको हो ।
३४ वर्षीय अनुभवी ओपनर तथा विकेटकिपर चार्ल्सको उत्कृष्ट प्रदर्शनमा वेस्टइन्डिजले २०१६ र २०१२ का टि२० विश्वकप उपाधि जितेको थियो । उनले ५० ओडिआई खेलमा २ शतक र ५ अर्धशतकसहित १ हजार ३ सय ७० रन बनाएका छन् । ४१ टि२० आई खेलमा उनले १ शतक र ४ अर्धशतकसहित ९ सय ७१ रन बनाएका छन् ।
उनी पछिल्लो समय राम्रो लयमा छन् । गत मार्चमा दक्षिण अफ्रिकाविरुद्ध टि२० आईमा सेन्चुरीयनमा चाल्र्सले ४६ बलमा १० चौका र ११ छक्कासहित १ सय १८ रनको विष्फोटक शतकीय इनिङ खेलेका थिए । उनले उक्त खेलमा ३९ बलमै शतक हानेका थिए । तर दक्षिण अफ्रिकाले क्विन्टन डि कको १ सय रनको शतकीय इनिङमा २ सय ५९ रनको लक्ष्य १८.५ ओभरमा पूरा गरेको थियो ।
२०१२ को टि२० विश्वकपमा इंग्ल्यान्डलाई हराउन उनले ८४ रन बनाएका थिए । २०१६ को टि२० विश्वकपको सेमिफाइनलमा भारतलई हराउन उनले महत्वपूर्ण ५२ रन जोडेका थिए । उनी आक्रामक ब्याटिङका लागि चर्चित वेस्टइन्डिजका ब्याटर हुन् ।
वेस्टइन्डिजसँग विश्वकप छनोटमा तीन विष्फोटक ओपनर छन् । कायल मेयर्स, बेन्डन किंग र चाल्र्स विश्वकप छनोटमा टोलीमा हुनेछन् । मेयर्सलाई किंग र चाल्र्समध्य एकले साथ दिनेछन् । कप्तान शाई होप, रोभम्यान पावेल र निकोलस पुरन मध्यक्रमका प्रमुख ब्याटर हुन् । पुरनको प्रदर्शन निकै महत्वपूर्ण हुनेछ ।
जेसन होल्डर, रोमारियो शेफर्ड र रोस्टन चेशले तल्लोक्रम सम्हाल्नेछन् । अल्जारी जोशेफ टोलीका प्रमुख तीव्र गतिका बलर हुन् । विश्वकप छनोट १८ जुन देखी ९ जुलाई सम्म जिम्बावेमा हुनेछ ।
वेस्टइन्डिज, नेपाल, जिम्बावे, नेदरल्यान्ड्स र अमेरिका छन् । समूह बी मा श्रीलंका, आयरल्यान्ड, स्कटल्यान्ड, युएई र ओमान छन् । वेस्टइन्डिजले पहिलो खेल १८ जुनमा अमेरिका, २२ जुनमा नेपाल, २४ जुनमा जिम्बावे र २६ जुनमा नेदरल्यान्ड्ससँग खेल्नेछ । श्रीलंका र वेस्टइन्डिज विश्वकप खेल्न सक्ने प्रमुख दाबेदार टोली हुन् ।
वेस्टइन्डिजको टोली :
शाई होप (कप्तान), रोभम्यान पावेल (उपकप्तान), शमाह्र ब्रुक्स, यानिक कारियाह, केसी कार्टी, रोस्टन चेश, जोनसन चाल्र्स, जेसन होल्डर, अकिल हुसैन, अल्जारी जोशेफ, बे्रन्डन किंग, कायल मेयर्स, किमो पल, निकोलस पुरुन र रोमारियो शेफर्ड ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]