काठमाडौं (हाम्रो खेलकुद) – आइसिसी एकदिवसीय विश्वकप छनोट अघि वार्मअप खेलमा नेपाल र स्कटल्यान्डबीचको खेल केहि ढिलो सुरु हुने भएको छ । खेल नेपाली समय अनुसार दिउँसो १: १५ मा सुरु हुने खेल तालिका थियो । तर प्राधाविधिक कारण केहि ढिलो सुरु हुने नेपाली क्रिकेट टोलीका म्यानेजर श्री केसीले जानकारी दिएका छन् ।

अव खेल दिउँसो १: ४५ मा सुरु हुने केसीले जानकारी दिए । त्यस्तै केसीले नेपाल क्रिकेट संघ(क्यान) को फेसबुक पेजबाट खेलको लाइभ (प्रत्यक्ष प्रसारण) गर्ने तयारी गरि रहेको पनि बताएका छन् ।

अन्तिम तयारीको लागि नेपाल दक्षिण अफ्रिकामा छ । वार्मअप खेल हुँदा नेपालले आफ्ना ब्याटर र बलर दुबैलाई राम्रोसँग प्रयोग गर्नसक्छ । टोलीमा भएका १६ जना मध्य नेपालले ११ भित्र कुनैपनि खेलाडीलाई ब्याटिङ गराउन सक्छ । बलिङ पनि नेपालले टोलीमा भएका कुनैपनि खेलाडीलाई गराउन सक्छ । यो वार्मअप खेल हुँदा कुनैपनि अन्तर्राष्ट्रिय मान्यता पाउने छैन् । अभ्यास खेलको रुपमा मात्रै हुनेछ ।

जिम्बावेमा दुई सातापछि हुने विश्वकप छनोट अघि नेपाल राम्रो लय समाउन चाहन्छ । नेपालले फागुनमा आइसिसी विश्वकप लिग २ अन्तर्गत स्कटल्यान्डसँग दुबै खेल जितेको थियो । त्यसअघि विदेशी भूमिका नेपालले खेलेका चार मध्य तीन खेल स्कटल्यान्डसँग हारेको थियो ।

वार्मअप खेल विदेशी भूमिका नेपालको कमजोरी पत्ता लगाउने हुनेछ । पछिल्लो समया सानदार प्रदर्शन गरेको नेपालको मनोबल पनि उच्चछ । नेपालले पछिल्ला १७ मध्य १६ अन्तर्राष्ट्रिय खेल जितेको छ । लिग २ मा १२ मध्य ११ खेल जितका साथ विश्वकप छनोट खेल्न लागेको हो । नेपाल टियुको उच्च मनोबल दक्षिण अफ्रिका हुँदै जिम्बावे लैजान चाहन्छ ।