1 year ago
May 28, 2023
एजेन्सी – इन्डियन प्रिमियर लिग (आइपिएल) को फाइनलमा आज चेन्नई सुपर किंग्स र गुजरात टाइटन्सबीच प्रतिस्पर्धा हुँदैछ । खेल नेपाली समय अनुसार साँझ ७: ४५ मा विश्वको सर्वाधिक ठूलो क्रिकेट रंगशाला अहमदाबादमा हुनेछ।
यस खेललाई विश्व क्रिकेटकै एक सर्वाधिक सफल कप्तान महेन्द्रसिंह धोनीको उत्कृष्ट कप्तानी सामू गुजरातका युवा ब्याटर शुभमन गिलको उच्च लयको परिक्षा हुनेछ । धोनी आइपिएलका सर्वाधिक सफल कप्तान हुन् । चेन्नई १४ मध्य १० संस्करण फाइनल खेलेको छ । चार पटक उपाधि जितेको छ ।
धोनीको कप्तानीमा चेन्नई दुई पटक मात्रै लिगबाट बाहिरिनु परेको छ । धोनी टि२० विश्वकप, एकदिवसीय विश्वकप र च्याम्पियन्स ट्रफी उपाधि जित्ने विश्वकै एक्लो कप्तान हुन् । धानीको खुबी भनेकै खेलाडीमाथि विश्वास र खेलको अवस्था अनुसार अघि बढाउनु हो । खेलको अवस्था हेरेर खेलाडी परिवर्तन गर्दछन् । उनको कप्तानी चाल विपक्षीले बुझ्न निकै कठिन पर्छ । विपक्षी ब्याटरको कमजोरी सहजै पत्ता लगाउँदै बलरलाई त्यसै अनुसार निर्देशन दिन्छन् ।
त्यसैले गिललाई चेन्नईविरुद्ध रन जोड्न सहज हुनेछैन । पहिलो क्वालिफायर खेलमा गिल ४२ रनमा आउट भएका थिए । दीपक चाहरले चलाखीपूर्ण स्लोवर बलमा गिललाई डिप स्क्पायर लेगमा डेभन कन्वेबाट क्याच आउट गराएका थिए । गिलले पछिल्ला चार मध्य तीन खेलमा शतक हानेका छन् । यस सिजनमा ओरेन्ज क्याप जित्ने पक्का भएको छ ।
गिलले १६ खेलमा ३ शतक र ४ अर्धशतकसहित ८ सय ५१ रन बनाएका छन् । दोस्रो क्वालिफायर खेलमा गिलले ६० बलमा ७ चौका र १० छक्कासहित १ सय २९ रनको सानदार इनिङ खेलेका थिए । त्यसअघि लिगका अन्तिम दुई खेलमा गिलले बेंगलोरविरुद्ध १ सय ४ र हैदराबादविरुद्ध १ सय १ रन हान्दै लगातार शतक हानेका थिए । गिल सुरुवाती समय क्रिजमा टिकेपछि अन्तिम समयमा आक्रामक ब्याटिङ गर्नेछन् ।
तर धोनीको कप्तानी सामू सहज हुनेछैन । धोनी ब्याटरलाई हेरी बलिङ परिवर्तन गर्ने गर्दछन् । धोनी विश्वका त्यस्ता कप्तान हुन् जसले अम्पायर र खेललाई नै रोकेर आफ्नो निर्णय लागु गर्दछन् । पहिलो क्वालिफायर खेलमा धोनीले गुजरातविरुद्ध आफ्ना डेथ ओभर स्पेलिष्ट बलर मथिशा पाथिरानालाई बलिङ गराउन चार मिनेट खेल नै रोकेका थिए ।
मैदान बाहिर गएर फर्किएपछि नियम अनुसार चार मिनेट पछि मात्रै बलिङ गर्न पाउने थिए । क्रिकेटमा खेलाडी जति समय बाहिर बस्छ त्यतिनै समय मैदान छिरेपछि बलिङ र ब्याटिङ गर्न पाउँदैनन् । तर धोनीले खेल नै रोकेर चार मिनेट अम्पायरलाई सुझाब दिँदै समय बिताउँदै पाथिरानालाई बलिङ गराएका थिए । अम्पायरले पनि धोनीसँग सल्लाह मागेका थिए ।
सम्भव त धोनीको यो अन्तिम आइपिएल खेल हुनेछ । धोनी पनि उपाधिका साथ करिअर अन्त्य गर्न चाहन्छन् । पहिलो क्वालिफायरपछि भने धोनीले आफूले आइपिएल खेल्ने वा नखेल्नेमा ८-९ महिनापछि निर्णय लिने बताएका थिए ।
चतुर दिमागका खानी भएका धोनी आफ्नो उत्कृष्ट कप्तानीमा पुन उपाधि जिताउन चाहन्छन् । धोनीले कप्तानीमा तुषार देशपान्डे, पाथिराना र अजिंका रहाणेले यस सिजनमा सानदार प्रदर्शन गरेका छन् । रहाणेले त आफ्नो खेल्ने शैलीनै परिवर्तन गर्दै आक्रामक रुपमा प्रस्तुत हुँदै आएका छन् ।
चेन्नईसँग चार खेल खेल्दा गिलले एक अर्धशतक प्रहार गरेका छन् । गिल चेन्नईविरुद्ध ४२, ६३, १८ र ० मा आउट भएका छन् । गिल आफ्नो उत्कृष्ट लयलाई निरन्तरता दिँदै उपाधि जिताने सोचमा हुनेछन् । धोनी आफ्नो कप्तानीमा पाँचौं उपाधि जिताउने सोचमा हुनेछन् ।
चेन्नईका युवा तीव्र गतिका बलर पाथिराना खेलको नायक बन्नसक्छन् । उनले डेथ ओभरमा लगातार सानदार प्रदर्शन गर्दै आएका छन् । बेबी मलिङ्गाको नामले चर्चित उनले यस सिजनमा ११ खेलमा १७ विकेट लिएका छन् । इकोनमी रेट ७.७२ छ । उनी सटिक योर्करका लागि चिनिन्छन् । उता अफगानिस्तानका राशिद खानले चेन्नईको मध्यक्रम धरासयी बनाउन सक्छन् ।
वर्तमान समयका उत्कृष्ट लेग स्पिनर राशिद खानले यस सिजनमा १६ खेलमा २७ विकेट लिएका छन् । उनीअघि सर्वाधिक विकेट लिनेमा गुजरातकै मोहम्मद शामी २८ विकेटका साथ शीर्ष स्थानमा छन् । यी दुई बलरबीच पर्पल क्याप अवार्डमा उत्कृष्ट प्रतिस्पर्धा हुनेछ । राशिद खानले तल्लोक्रममा सानदार ब्याटिङको क्षमता समेत राख्दछन् ।
मध्यक्रममा शिबम दुबे चेन्नईका प्रमुख ब्याटर हुन् । दुबेले यस सिजनमा सानदार प्रदर्शन गरेका छन् । १५ खेलमा २९ छक्कासहित ३ सय ८६ रन बनाएका छन् । उता डेविड मिलर गुजरातका मध्यक्रमका प्रमुख हतियार हुन् । विष्फोटक ब्याटरका लागि अनुभवी चेन्नईविरुद्ध युवा टोली गुजरातको प्रदर्शन निकै हेर्न लायक हुनेछ ।
यी दुई टोलीबीच चार खेल हुँदा गुजरात तीन खेलमा विजयी चर्चित मिलर यस सिजनमा खासै चलेका छैनन् । ठूलो खेलमा स्टार खेलाडीको प्रदर्शन निकै महत्वपूर्ण हुनेछ । पावर प्लेमा चेन्नईका दीपक चाहर र गुजरातका मोहम्मद शामीको प्रदर्शन हेर्न लायक हुनेछ । डेथ ओभर गुजरातका मोहित शर्मा र चेन्नईका मथिशा पाथिराना हुनेछन् । स्पिनरमा रविन्द्र जडेजा र महेश थिक्सेना हुनेछन् । उता राशिद खान र नूर अहमदको जोडी हुनेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]