1 year ago
May 16, 2023
एजेन्सी – अलराउन्डर मार्कस स्टोइनिसको उत्कृष्ट ब्याटिङमा लखनऊ सुपर जायन्ट्सले इन्डियन प्रिमियर लिग (आइपिएल) २०२३ को ६३ औं खेलमा मुम्बई इन्डियन्सलाई १ सय ७८ रनको प्रतिस्पर्धात्मक लक्ष्य दिएको छ ।
टस हारेर पहिला ब्याटिङको निम्तो पाएको घरेलु टोली लखनऊले निर्धारित २० ओभरमा ३ विकेट गुमाउँदै १ सय ७७ रन बनायो । लखनऊका मार्कस स्टोइनिस ४७ बलमा ४ चौका र ८ छक्कासहित सर्वाधिक ८९ रनमा अविजित रहे ।
कप्तान क्रुनाल पान्ड्या ४२ बलमा १ चौका र १ छक्कासहित ४९ रनमा रिटायर्ट आउट भए । लखनऊको सुरुवात नै खराब रहँदा खुलेर खेल्न सकेन । तीव्र गतिका बलर जेसन बेहर्नडोर्फले ओपनर दीपक हुडालाई टिम डेविडबाट ५ रनमा क्याच आउट गराए । स्पिनर पियुष चवालाको बलमा क्विन्टन डि कक १६ रनमा विकेटकिपर ईशान किशनबाट क्याच आउट भए ।
बेहर्नडोर्फले प्रेरक माङ्कडलाई गोल्डेन डक पेभेलिएन फर्काएका थिए । एक समय लखनऊ ६.१ ओभरमा ३५-३ को खराब अवस्थामा पुगेको थियो । चौथो विकेटका लागि पान्ड्या र स्टोइनिसले ५९ बलमा ८२ रनको साझेदारी गरेका थिए । स्टोइनिसले १८ औं ओभरमा तीव्र गतिका बलर क्रिस जोर्डनलाई तीन चौका र दुई छक्कासहित कुल २४ रन जोड्दै प्रतिस्पर्धात्मक योगफलतर्फ अघि बढाएका थिए ।
एक समय स्टोइनिस ३५ बलमा ४५ रन बनाउँदै क्रिजमा थिए । तर १८ औं ओभरको पहिलो बलमा क्रिस जोर्डनलाई छक्का प्रहार गर्दै ब्याटिङ शैली परिवर्तन गरेका थिए ।
निकोलस पुरन ८ बलमा १ चौकासहित ८ रनमा नटआउट रहे । मुम्बईका जेसन बेहर्नडोर्फले ४ ओभरमा ३० रन खर्चेर २ विकेट लिए । पियुष चवालाले ३ ओभरमा २६ रन खर्चेर १ विकेट लिए ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]