1 year ago
May 13, 2023
एजेन्सी – सूर्य कुमार यादव (स्काई) को शतकको सहयोगमा मुम्बई इन्डियन्सले इन्डियन प्रिमियर लिग (आइपिएल) मा गुजरात टाइटन्सलाई पराजित गरेको छ ।
शुक्रबारको खेलमा मुम्बईले गुजरातमाथि २७ रनको जित दर्ता गर्यो । मुम्बईले प्रस्तुत गरेको २ सय १९ रनको लक्ष्य पछ्याउने क्रममा गुजरात २० ओभरमा ८ विकेट गुमाउँदै १ सय ९१ रनमा सिमित भयो । स्पिनर राशिद खानले अन्त्यतिर आक्रामक इनिङ खेल्दै हारको अन्तर घटाएका थिए ।
बलिङतर्फ ४ विकेट लिएका राशिदले ब्याटिङमा १० छक्का प्रहार गरे । मात्र ३२ बलमा ७९ रन जोडेका उनले ३ चौका पनि प्रहार गरे । त्यसअघि गुजरातका लागि डेविड मिलरले २६ बलमा ४१ रन जोडेका थिए । चौथो ओभरमा नै २६-३ को अवस्थामा पुगेको गुजरात १४ औं ओभरमा १०३-८ को स्थितिमा थियो । राशिदले त्यसपछि आक्रामक ब्याटिङका साथ सम्मानजनक स्कोरसम्म पुर्याए ।
गुजरातका लागि ओपनरद्वय रिद्धिमान साह (२) र शुभ्मन गिल (६) चलन नसक्दा हार्दिक पान्ड्या ४ र विजय शंकर २९ रनमा आउट भए । अभिनव मनोहरले २ रन जोड्दा राहुल टेवाटिया १४ रनमा पेभेलियन फर्किए । मुम्बईका आकाश माधवलले ३ तथा पियुष चावला र कुमार कार्तिकेयाले २-२ विकेट लिए ।
त्यसअघि स्काईले इनिङको अन्तिम बलमा छक्का प्रहार गर्दै शतक पूरा गर्दा मुम्बईले २० ओभरमा ५ विकेट गुमाउँदै २ सय १८ रन जोडेको थियो । आइपिएल करिअरको पहिलो शतक प्रहार गर्ने क्रममा स्काईले ४९ बलमा १ सय ३ रनको योगदान दिए । उनले यसक्रममा ११ चौका र ६ छक्का प्रहार गरेका थिए । उनले ३२ बलमा अर्धशतक पूरा गरेका थिए ।
कप्तान रोहित शर्मा सातौं ओभरको पहिलो बलमा आउट भएपछि स्काई ब्याटिङमा आएका थिए । रोहितले १८ बलमा ३ चौका र २ छक्काको मदतले २९ रन जोडे । सोहि ओभरमा इशान किशन पनि राशिद खानको शिकार बने । २० बलमा ३१ रन जोडेका इशानले ४ चौका र १ छक्का प्रहार गरे ।
नेहाल वाधेराले ७ बलमा १ चौका र १ छक्कासहित १५ रन जोड्दा विष्णु विनोदले समान २-२ चौका र छक्कासहित २० बलमा ३० रन बनाए । राशिद खानले गुजरातका लागि ४ विकेट लिए ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]