1 year ago
May 6, 2023
एजेन्सी – घरेलु टोली पाकिस्तानले चौथो खेलमा न्युजिल्यान्डमाथि सानदार जित हात पारेसँगै आइसिसी ओडिआई विश्व वरियतामा शीर्ष स्थानमा उक्लिएकोछ । लगातार चार जितका साथ पाकिस्तानले भारत र अष्ट्रेलियालाई पछि पार्दै ओडिआई वरियतामा शीर्ष स्थानमा उक्लिएको हो ।
जितको लागि ३ सय ३५ रनको विशाल विजयी लक्ष्य पछ्याएको न्युजिल्यान्ड ४३.४ ओभरमा २ सय ३२ रनमा अल आउट भयो । न्युजिल्यान्डका कप्तान टम लाथमले ७६ बलमा ५ चौकासहित सर्वाधिक ६० रन बनाए । मार्क च्यापम्यान ३३ बलमा ४ चौका र ३ छक्कासहित ४६, ओपनर विल योंग १५, टम ब्लन्डेल २३, डर्याल मिचेल ३४ र जेम्श निसम ११ रनमा आउट भए ।
पाकिस्तानका स्पिनर उस्मा मिरले १० ओभरमा ४३ रन खर्चेर सर्वाधिक ४ विकेट लिए । मोहम्मद वासिम जुनियरले ८.४ ओभरमा १ मेडनसहित ४० रन खर्चेर ३ विकेट लिए । हरिस रौफले दुई र शाहिन शाह अफ्रिदीले एक विकेट लिए ।
त्यसअघि नेशनल स्टेडियम कराँचीमा टस हारेर पहिला ब्याटिङको निम्तो पाएको पाकिस्तानले निर्धारित ५० ओभरमा ६ विकेट गुमाउँदै ३ सय ३४ रन बनायो । पाकिस्तानका कप्तान बाबर आजमले १ सय १७ बलमा १० चौकासहित सर्वाधिक १ सय ७ रनको शतकीय इनिङ खेले ।
अघा सलमान ४६ बलमा ४ चौका र २ छक्कासहित ५८, ओपनर शन मसुद ४४, फखार जमान १४, मोहम्मद रिजवान २४ र इफ्तिखर अहमद २८ रनमा आउट भए । शाहिन शाह अफ्रिदी ७ बलमा १ चौका र ३ छक्कासहित २३ तथा मोहम्मद हरिस ८ बलमा १ चौका र १ छक्कासहित १७ रनमा नटआउट रहे ।
न्युजिल्यान्डका म्याट हेनरीले १० ओभरमा १ मेडनसहित ६५ रन खर्चेर सर्वाधिक तीन विकेट लिए । पाँच खेलको ओडिआई खेलको सिरिजमा पाकिस्तानले ४–० को अग्रता लिएको छ । अन्तिम खेल आइतबार हुनेछ ।
ओडिआई वरियतामा पाकिस्तान २९ खेलमा १ सय १३ रेटिङ अंकका साथ शीर्ष स्थानमा छ । अष्ट्रेलिया ३५ खेलमा १ सय १३ रेटिङ अंकका साथ दोस्रो स्थानमा छ । भारत ४७ खेलमा १ सय १३ रेटिङ अंकका साथ तेस्रो स्थानमा छ । नेपाल भने ४२ खेलमा ३३ रेटिङ अंकका साथ १४ औं स्थानमा यथावत छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]