1 year ago
May 3, 2023
एजेन्सी – ईशान किशन र सूर्यकुमार यादवको उत्कृष्ट ब्याटिङमा मुम्बई इन्डियन्सले इन्डियन प्रिमियर लिग (आइपिएल) २०२३ को ४६ औं खेलमा पन्जाब किंग्समाथि ६ विकेटको सानदार जित हात पारेको छ । मुम्बईले पाँचौं जितका साथ प्लेअफ सम्भावना मजबुत बनाएको छ ।
जितको लागि २ सय १५ रनको विशाल विजयी लक्ष्य पछ्याएको मुम्बईले १८.५ ओभरमा ४ विकेट गुमाउँदै पूरा गर्यो । मुम्बईको जितमा ओपनर ईशान किशनले ४१ बलमा ७ चौका र ४ छक्कासहित सर्वाधिक ७५ रनको योगदान दिए ।
सूर्यकुमार यादव ३१ बलमा ८ चौका र २ छक्कासहित ६६ रनमा आउट भए । तेस्रो विकेट लागि ईशान र सूर्यले ५५ बलमा १ सय १६ रनको शतकीय साझेदारीका साथ जितको आधार तय गरेका थिए ।
तिलक बर्मा १० बलमा १ चौका र ३ छक्कासहित २६ र टिम डेविड १० बलमा ३ चौकासहित १९ रनमा अविजित रहे । ओपनर रोहित शर्मा डक र क्यामरन ग्रीन २३ रनमा आउट भए । पन्जाबका अर्शदीप सिंहले ३.५ ओभरमा ६६ रन खर्चेर १ विकेट लिए । नाथन एलिसले ४ ओभरमा ३४ रन खर्चेर २ र ऋषि धवनले १ विकेट लिए ।
त्यसअघि घरेलु मैदान मोहालीमा टस हारेर पहिला ब्याटिङको निम्तो पाएको पन्जाबले निर्धारित २० ओभरमा ३ विकेट गुमाउँदै २ सय १४ रन बनाएको थियो । पन्जाबका लियाम लिभिङस्टोनले ४२ बलमा ७ चौका र ४ छक्कासहित ८२ रनमा अविजित इनिङ खेलेपनि टोलीको हार टार्न सकेनन् ।
युवा विकेटकिपर जितेश शर्मा २७ बलमा ५ चौका र २ छक्कासहित ४९ रनमा नटआउट रहे । चौथो विकेटका लागि जितेश र लिभिङस्टोनले ५३ बलमा १ सय १९ रनको अविजित साझेदारी गर्दै विशाल योगफलमा पुर्याएका थिए ।
पन्जाबका ओपनर प्रभस्रिमन सिंह ९ रनमै आउट भएका थिए । कप्तान शिखर धवन र म्याथ्यु सर्टले दोस्रो विकेटका लागि ४९ रनको साझेदारी गरेका थिए । धवन २० बलमा ५ चौकासहित ३० रनमै आउट भएका थिए । धवन स्पिनर पियुष चवालाको बलमा स्टम्पिङ आउट भए ।
म्याथ्यु सट २६ बलमा २ चौका र १ छक्कासहित २७ रनमा चवालाको बलमा बोल्ड आउट भए । मुम्बईका पियुष चवालाले ४ ओभरमा २९ रन खर्चेर २ विकेट लिए । अर्शद खानले ४ ओभरमा ४८ रन खर्चेर १ विकेट लिए । जोफ्रा आर्चरले ४ ओभरमा ५६ रन खर्चिदा विकेट लिन सकेनन् ।
मुम्बई ९ खेलमा ५ मा जित र ४ मा हारसहित छैटौं स्थानमा छ । पन्जाब १० खेलमा ५ मा जित र ५ मा हारसहित १० अंकका साथ सातौं स्थानमा छ । गुजरात ९ खेलमा ६ मा जित र ३ मा हारसहित १२ अंकका साथ शीर्ष स्थानमा छ । लखनऊ र चेन्नईको समान ११ अंक भएपनि नेटरनरेटका कारण क्रमश दोस्रो र तेस्रो स्थानमा छन् ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]