1 year ago
May 2, 2023
काठमाडौं (हाम्रो खेलकुद) – नेपाली क्रिकेट टोलीका स्पिनर सन्दीप लामिछानेले नेपाली दर्शक भगवानको रुप भएको बताएका छन् । एसिसी प्रिमियर कपमा नेपाललाई च्याम्पियन बनाउँदै एसिया कपमा पुर्याएपछि सर्वोत्कृष्ट खेलाडी चुनिएका सन्दीपले उक्त प्रतिक्रिया दिएका हुन् ।
सोमबार वर्षा हुँदा पनि दर्शकले अन्तिम समय सम्म पानीमा रुज्दै नेपाली टोलीलाई साथ दिएका थिए । सन्दीप नेपाली समर्थक भगावनको रुप रहेको बताए ।
‘मलाई लाग्छ नेपाली दर्शक भगवानका रुप हुन् । म मान्छु कि भगवानले आफ्नो अवतारमा वहाँहरुलाई पठाएको हो । एकदमै दुःखहरुको क्षण हुन्छ सबैमा । क्रिकेटमा पनि त्यसरी नै चलेको थियो । वहाँहरुले कहिल्यै पनि साथ छाड्नु हुँदैन । मैले अघिनै भने जस्तो वहाँहरुको एउटा ठूलो भूमिका खेल्छ । घरेलु दर्शकले एकदमै फरक पार्छ । हिजो ४-५ बजे सम्म मैदान पुरै भरिपूर्ण थियो । अहिले खेल सकिएपछि, पुरस्कार वितरणपछि अहिले पनि वहाँहरु हुनुन्छ’, उनले भने ।
एसिया कपमा पुगेपछि एकदमै राम्रो र सबैजना खुसी छौं । अन्तिम चार पाँच महिनाको मिहिनेत हो । तीन चार महिना देखी टिम प्रदर्शन पनि हो । यो मोमेन्ट हरुमा फरक फरक प्रदर्शन थियो । चाँहे त्यो जिम्बावेमा हुने विश्वकप छनोटमा होस् वा एसिया कपमा पुग्दा । यो टिम प्रयास हो’, सन्दीपले एसिया कपमा पुगेपछि भने ।
सन्दीपले एसिया कप एकदमै महत्वपूर्ण हुने बताए । ‘एसिया कपले हाम्रो लागि धेरै महत्व राख्छ । किनभने हामीले अहिले सम्म यी स्तरका शीर्ष टोलीसँग खेल्न पाएका छैनौं । भारत र पाकिस्तान हाम्रो समूहमा छ । हामी सबै जनाको लागि अवसर हो । एउटा स्तर पार गरेर अर्को स्तरमा पुगेका छौं । जहाँ पुगेको हामी सधैभरीलाई हेर्न चाहन्छौं । शीर्ष टोलीसँग कसरी खेल्ने एउटा राम्रो सिकाई हुनेछ’, उनले भने ।
सन्दीपले इन्डियन प्रिमियर लिग देखि विश्वका लगभग सबै विदेशी फ्रेन्चाइज लिग खेलेका छन् । भारत र पाकिस्तानले खेल्ने स्तरको क्रिकेट सन्दीपलाई अनुभवछ । नेपालको एसिया कपमा सहभागीता मात्रै हुन्छ की प्रतिस्पर्धा भन्ने प्रश्नमा उनले भने, ‘हामी हाम्रो क्षमता खेल्यौ भने एकदमै राम्रो क्रिकेट खेलेर अगाडि बढ्न सक्छौं । जित वा हार हाम्रो हातमा हुँदैन । हामी हाम्रो प्रक्रिया र प्यासनमा काम गर्ने हो । जित वा हार भन्दा पनि एउटा ठूलो गौरवको कुरा हो । मैले जसरी बुझेको छु अरु खेलाडीहरुले पनि त्यसै अनुसार बुझ्नेछन् ।’
नेपालले २०१४ को टि२० विश्वकप खेलेपछि क्रिकेट नेपाली क्रिकेटमा विकाशमा रातारात परिवर्तन आएको थियो । एसिया कप नेपाली क्रिकेट विकाशमा त्यो टर्निङ प्वाइन्ट हुनेछ । सन्दीप सपना एसिया कप निरन्तर र विश्वकप रहेको बताए ।
‘पक्कैपनि नेपालले २०१४ मा विश्वकप खेलेर म आफैंले क्रिकेट खेल्न थालेको थिएँ । एउटा ठूलो क्षण हुनेवाला छ । त्यो क्षणले गर्दा हामी प्रभावित भयौं । हामी सकेसम्म राम्रो दिन चाहन्छौं । आउने समयमा जति पनि युवा पिढीँ हुनुन्छ । वहाँहरुलाई सधैंभर यादगार हुनेछ । नेपालले एसिया कप खेलेको थियो । सपना एसिया कप मात्रै होईन निरन्तर एसिया कप र विश्वकप हो’, सन्दीपले भने ।
सन्दीपको पूरा हेर्नुहोस् :
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]