2 years ago
April 29, 2023
काठमाडौं (हाम्रो खेलकुद) – नेपाली क्रिकेट टोलीका कप्तान रोहित पौडेलले एसिसी प्रिमियर कपको फाइनलमा युएईका कप्तान मोहम्मद वासिमलाई रोक्न सके विपक्षीलाई दबाबमा राख्न सकिने बताएका छन् ।
पहिलो सेमिफाइनल खेलम टियुमा कुवेतसँग खेलेपनि वर्षाको कारण नतिजा विहीन बनेपछि समूह विजेताको कारण नेपाल फाइनलमा पुगेको छ । टियु क्रिकेट मैदानमा टस हारेर पहिला ब्याटिङको निम्तो पाएको नेपालले निर्धारित ४२ ओभरमा ९ विकेट गुमाउँदै २ सय ८१ रन बनाएको थियो ।
रोहित पौडेलले ९५ बलमा ७ चौका र ३ छक्कासहित सर्वाधिक ९४ रनको योगदान दिएका थिए । स्पिनर मोहम्मद अस्लामको बलमा ठूलो सट खेल्ने धुनमा रोहित डिप मिडविकेटमा स्पिनर यासिन पटेलबाट क्याच आउट भएपछि करिअरको दोस्रो अन्तर्राष्ट्रिय शतक हान्नबाट चुकेका थिए ।
‘स्पष्ट के थियो भने जति हुन्छ त्यति टिमको लागि धेरै रन बनाउन भन्ने प्लान थियो । प्रतियोगितामा २०, ३०, ४० रनको सुरुवात पाएको थिए । ठूलोमा रुपान्तरण भएको थिएन । आज राम्रो इनिङ भएकोमा खुसी छु’, रोहितले भने ।
नेपालले सोमबार फाइनलमा युएईसँग उपाधि जित्न सके एसिया कपमा भारत र पाकिस्तानसँग खेल्न पाउनेछ । रोहित ठूलो अवसर भएको बताउँछन् ।
‘भारत र पाकिस्तानविरुद्ध खेल्ने ठूलो अवसर छ । फाइनल निकै महत्वपूर्ण भएको सबैलाई थाहा छ । त्यहि समय सबैले आफूलाई सामान्य राख्नुपर्छ । त्यो पनि एक खेल हो । अन्तिम खेल जसरी पनि जित्छौं’, उनले भने ।
आइसिसी लिग-२ को अन्तिम खेल नेपालले युएईसँग खेलेको थियो । युएई ३ सय १० रन बनाएपनि पराजित भएको थियो । शीर्ष तीन दौडबाट बाहिरिएको हुँदा युएईलाई त्यो समय कुनै दबाब थिएन । तर यो पटक दुबै टोलीलाई त्यतिनै दबाब हुनेछ ।
‘दुबैको लागि एकदमै महत्वपूर्ण खेल हो । दुबै टिममा दबाब हुन्छ । जसले राम्रोसँग त्यो दबाबलाई सम्हाल्न सक्छ त्यसैले जित्छ होला । युएईको टिममको कुरा गर्दा मलाई लाग्छ मोहम्मद वासिम अलिकति राम्रो खेल्छन् । आक्रामक सुरुवात गर्छन् । त्यो क्षेत्रमा राम्रो गर्न सक्यौ भने युएईलाई दबाब गराउन सकिन्छ’ रोहितले भने ।
रोहितको पूरा भिडियो वहाँ हेर्नुहोस् :
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]