1 year ago
April 28, 2023
काठमाडौं (हाम्रो खेलकुद) – नेपालले एसिसी प्रिमियर कपको पहिलो सेमिफाइनलमा शनिबार कुवेतसँग खेल्दैछ । खेल बिहान ९ बजे टियु क्रिकेट मैदानमा सुरुहुनेछ । नेपाल कुवेतलाई हराउँदै फाइनलमा स्थान बनाउने लक्ष्यका साथ मैदान उत्रनेछ ।
नेपाल समूह ए को विजेता र कुवेत उप–विजेताको रुपमा सेमिफाइनलमा स्थान बनाएका हुन् । नेपालले समूह चरणको अन्तिम खेलमा कतारसँग खेलेको थियो । कतारविरुद्ध नेपालको ब्याटिङ राम्रो हुन नसकेपनि बलिङले जिताएको थियो । ब्याटिङमा नेपाल खराब प्रदर्शनका साथ १ सय ५७ रनमै अल आउट भएको थियो । बलिङमा भने उत्कृष्ट प्रदर्शनका साथ कतारलाई ८९ रनमै अल आउट गरेको थियो ।
कतारको प्लेइङ–११ बाट नेपालले टोलीमा एक परिवर्तन गर्ने सम्भावना छ । नेपालले गुलशन झाको स्थानमा करण केसीलाई मौका दिने सम्भावना देखिन्छ । कतारमा बायाँ हाते बलरको बाहुल्यता हुँदा गुलशनलाई खेलाएको थियो । गुलशनको बलिङ भने राम्रो हुन सकेको छैन ।
त्यसैले कतारविरुद्ध करणलाई नै मौका दिने सम्भावना देखिन्छ । करण नेपालका प्रमुख तीव्र गतिका बलर हुन् । गुलशनले कतारविरुद्ध ३ ओभरमा १७ रन खर्चिदा विकेट विहीन बनेका थिए । बलिङ मजबुत बनाउन गुलशनको स्थानमा करणलाई खेलाउने सम्भावना देखिन्छ । नेपालले टोलीमा अन्य ब्याटिङ र बलिङ कुनैपनि परिवर्तन गर्ने सम्भावना छैन ।
ओपनरमा आसिफ शेख र कुशल भुर्तेल हुनेछन् । ओपनरले राम्रो प्रदर्शन गर्न सकेका छैनन् । टोलीले उनीमाथि थप विश्वास गर्नेछ । विकल्पमा ज्ञानेन्द्र मल्ल छन् । तर पनि नेपालले पहिलो रोजाईलाई नै मैदान उतार्नेछ । ओपनर बाहेक अन्य ब्याटरले भने राम्रो प्रदर्शन गर्दै आएका छन् ।
कुशल र आसिफमाथिको विश्वासलाई निरन्तरता दिनेछ । तेस्रो नम्बरमा भीम सार्की खेल्नेछन् । राम्रो प्रदर्शन गर्दै आएको भीमबाट ठूलो आशा गर्नेछ । चौथो नम्बरमा रोहित पौडेल, पाँचौं नम्बरमा कुशल मल्ल र छैटौं नम्बरमा आरिफ शेख हुनेछन् ।
यी तीन ब्याटरको प्रदर्शनले धेरै फरक पार्नेछ । सातौंमा दीपेन्द्रसिंह ऐरी, आठौंमा सोमपाल कामी, नवौंमा करण केसी, १० औं नम्बरमा सन्दीप लामिछाने र ललितनारायण राजवंशी–११ औं नम्बरमा खेल्नेछन् ।
तीव्र गतिका बलरमा सोमपाल र करणको जोडी हुनेछ । स्पिनरमा ललित र सन्दीप हुनेछन् । पार्टटाइम स्पिनरमा दीपेन्द्र र कुशल मल्ल हुनेछन् ।
नेपालको प्लेइङ-११ :
रोहित पौडेल (कप्तान), कुशल भुर्तेल, आसिफ शेख, कुशल मल्ल, आरिफ शेख, सोमपाल कामी, दीपेन्द्रसिंह ऐरी, करण केसी, सन्दीप लामिछाने, भीम सार्की र ललित राजवंशी ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]