1 year ago
April 28, 2023
एजेन्सी – स्पिनर एडम जाम्पा र ओपनर यशस्वी जैसवालको सानदार प्रदर्शनमा राजस्थान रोयल्सले इन्डियन प्रिमियर लिग (आइपिएल) २०२३ को ३७ औं खेलमा चेन्नई सुपर किंग्सलाई ३२ रनले हराउँदै शीर्ष स्थानमा उक्लिएको छ । राजस्थानले पाँचौं जितका साथ नेटरनरेटमा पछि पार्दै शीर्ष स्थानमा उक्लिदै प्लेअफ सम्भावना मजबुत बनाएको हो ।
जितको लागि २ सय ३ रनको विशाल विजयी लक्ष्य पछ्याएको चेन्नईले २० ओभरमा ६ विकेट गुमाउँदै १ सय ७० रन बनायो । चेन्नईका शिवम दुबेले ३३ बलमा २ चौका र ४ छक्कासहित सर्वाधिक ५२ रनको योगदान दिए । ओपनर ऋतुराज गायकवाड २९ बलमा ५ चौका र १ छक्कासहित ४७, डेभन कन्वे ८, अजिंक्या रहाणे १५ र अम्बाती रायूडु डक आउट भए ।
मोईन अली १२ बलमा २ चौका र २ छक्कासहित २३ रनमा आउट भए । रविन्द्र जडेजा १५ बलमा ३ चौकासहित २३ रनमा नटआउट रहे । राजस्थानका स्पिनर एडम जाम्पाले ३ ओभरमा २२ रन खर्चेर ३ विकेट लिए । रविचन्द्रन आश्विनले ४ ओभरमा ३५ रन खर्चेर २ विकेट लिए । कुलदीप यादवले एक विकेट लिए ।
त्यसअघि जयपुरमा टस जितेर पहिला ब्याटिङ रोजेको राजस्थानले निर्धारित २० ओभरमा ५ विकेट गुमाउँदै २ सय २ रन बनाएको थियो । राजस्थानको जितमा यशस्वी जैसवालले ४३ बलमा ८ चौका र ४ छक्कासहित सर्वाधिक ७७ रनको योगदान दिए ।
राजस्थानलाई ओपनर यशस्वी जैसवाल र जस बटलरले ८.२ ओभरमा ८६ रनको साझेदारी गर्दै राम्रो योगफलको आधार तय गरेका थिए । जस बटलर २१ बलमा ४ चौकासहित २७, सन्जु स्यामसन १७ र शिम्रन हेटमायर ८ रनमा आउट भए । ध्रुब जुरेल १५ बलमा ३ चौका र २ छक्कासहित ३४ रनमा रन आउट भए । देवदत्त पाडिक्कल १३ बलमा ४ चौकासहित २३ रनमा नटआउट रहे ।
चेन्नईका तुषारदेश पान्डेले ४ ओभरमा ४३ रन खर्चेर २ विकेट लिए । महेश थिक्सेनाले ४ ओभरमा २४ रन खर्चेर १ विकेट लिए । रविन्द्र जडेजाले ४ ओभरमा ३२ रन खर्चेर १ विकेट लिए ।
राजस्थान ८ खेलमा ५ मा जित र ३ मा हारसहित १० अंकका साथ शीर्ष स्थानमा छ । गुजरात ७ खेलमा ५ मा जित र २ मा हारसहित १० अंकका साथ दोस्रो स्थानमा छ ।
चेन्नई ८ खेलमा ५ मा जित र ३ मा हारसहित १० अंकका साथ तेस्रो स्थानमा छ । लखनऊ, बेंगलोर र पन्जाबको समान ८ अंक भएपनि नेटरनरेटको कारण चौथो, पाँचौं र छैटौं स्थानमा छन् । दिल्ली ७ खेलमा २ मा जितसहित पुछारमा छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]