1 year ago
April 27, 2023
काठमाडौं (हाम्रो खेलकुद) – कुवेतले एसिसी प्रिमियर कपमा हङकङलाई ३० रनले हराउँदै सेमिफाइनलमा स्थान बनाएको छ । समूह बी बाट कुवेत समूह उपविजेता बन्दै सेमिफाइनलमा स्थान पक्का गरेको हो ।
जितको लागि २ सय ७३ रनको विशाल लक्ष्य पछ्याएको हङकङ निर्धारित ५० ओभरमा २ सय ४२ रनमा अल आउट भयो । हङकङका कप्तान निजाकत खानले ९७ बलमा १ चौका र २ छक्कासहित सर्वाधिक ६० रन बनाए ।
एक समय ५६-३ को अवस्थामा पुगेको हङकङलाई चौथो विकेटका लागि निजाकत खान र अजिज खानले ९१ रनको साझेदारी गर्दै जितको आशा कायमै राखेका थिए । अजिज खान ५५ बलमा ३ चौका र ३ छक्कासहित ४९ रनमा आउट भए । उनी स्पिनर यासिन पटेलको बलमा एलबीडब्लू आउट भए । त्यसपछि हङकङले लगातार विकेट गुमाएपछि पराजित भएको हो ।
हङकङका तल्लोक्रमका ब्याटर यासिन मुर्तजा ४३ बलमा २ चौका र ३ छक्कासहित ४३ रन बनाएपनि टोलीको हार टार्न सकेनन् । अंशुमन रथ १३, बाबर हायत डक, जिशान अली ३२ बलमा २ चौका र १ छक्कासहित २४ र हरुन अर्शद १२ रनमा आउट भए ।
कुवेतका स्पिनर यासिन पटेलले १० ओभरमा १ मेडनसहित ३५ रन खर्चेर २ विकेट लिए । शाहरुख क्युदुसले ८ ओभरमा २७ रन खर्चेर ३ विकेट लिए । सैद मोनिब र इद्रिसले समान एक विकेट लिए ।
त्यसअघि माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको कुवेतले निर्धारित ५० ओभरमा ८ विकेट गुमाउँदै २ सय ७२ रन बनाएको थियो । कुवेतको जितमा शिराज खानले ९५ बलमा ४ चौका र १ छक्कासहित सर्वाधिक ६७ रनको योगदान दिए ।
कुवेतलाई ओपनर आद्नान इद्रिसले ४५ बलमा ६ चौका र २ छक्कासहित ४५ रनमा आउट भए । रविजा सनदरुवान गोल्डेन डक आउट भएका थिए । प्रमुख ब्याटर परविन्दर कुमार ३, कप्तान मोहम्मद अस्लाम ३२ र मित भावसार डक आउट भए ।
उस्मान पटेल ४८ बलमा ६ चौका र १ छक्कासहित ५० रनमा आउट भए । सैयद मोनिब १४ बलमा ३ चौका र २ छक्कासहित ३१ रनमा आउट भए ।
हङकङका स्पिनर एहसान खानले १० ओभरमा १ मेडनसहित ४९ रन खर्चेर सर्वाधिक तीन विकेट लिए । आयुश शुक्ला, हरुन अर्शद, अजिज खान, यासिम मुर्तजा र मोहम्मद गजानफरले एक एक विकेट लिए ।
कुवेतले शनिबार सेमिफाइनलमा समूह ए को विजेता नेपालसँग खेल्नेछ । दोस्रो सेमिफाइनल खेलमा समूह ए को उपविजेता ओमान र समूह बी को विजेता युएईबीच प्रतिस्पर्धा हुनेछ । फाइनल हुँदै उपाधि जित्ने टोलीले एसिया कपमा भारत र पाकिस्तानसँग खेल्न पाउनेछ ।
अंक तालिका
समूह ए मा नेपाल ४ खेलमा ३ मा जित र एक खेलमा अंक बाँड्दै ७ अंकका साथ शीर्ष स्थानमा छ । ओमान ४ खेलमा ३ मा जित र १ मा हारसहित ६ अंकका साथ दोस्रो स्थानमा रह्यो । समूह ए बाट नेपाल समूह विजेता र ओमान उपविजेताको रुपमा सेमिफाइनलमा पुगेका छन् ।
मलेसिया ४ खेलमा २ मा जित र २ मा हारसहित ४ अंकका साथ तेस्रो स्थानमा रहेर बाहिरियो । साउदी ४ खेलमा १ मा जित, २ मा हार १ खेलमा अंक बाँड्दै ३ अंकका साथ चौथो स्थानमा रहेर बाहिरियो । कतार ४ खेलमा जित विहीन हुँदै पुछारमा रहेर बाहिरिएको थियो ।
समूह बी मा युएई ४ खेलमा ३ मा जित र १ मा हारसहित ६ अंकका साथ शीर्षस्थानमा रहँदै सेमिफाइनलमा स्थान बनायो । कुवेत ४ खेलमा ३ मा जित र १ मा हारसहित ६ अंकका साथ दोस्रो स्थानमा रह्यो । समान ६ अंक भएपनि युएई नेटरनरेटमा अघि रहँदै शीर्षस्थानमा रह्यो ।
हङकङ ४ खेलमा २ मा जित, १ खेलमा हार र १ खेलमा अंक बाँड्दै ५ अंकका साथ तेस्रो स्थानमा रहेर बाहिरियो । बहराइन ४ खेलमा १ मा जित, २ खेलमा हार र १ खेलमा अंक बाँड्दै ३ अंकका साथ चौथो स्थानमा रहेर बाहिरियो । सिंगापुर सबै खेलमा जित विहीन हुँदै बाहिरियो ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]