1 year ago
April 27, 2023
काठमाडौं (हाम्रो खेलकुद) – स्पिनर सन्दीप लामिछानेले एसिसी प्रिमियर कपमा कतारविरुद्ध आफ्नो अन्तर्राष्ट्रिय क्रिकेट करिअरकै उत्कृष्ट प्रदर्शन गरेका छन् । सन्दीपले नेपाललाई मध्यम योगफलमा पुर्याउन ५८ बलमा ६ चौसहित सर्वाधिक ४२ रनमा अविजित रहे ।
सन्दीपको यो कुनैपनि अन्तर्राष्ट्रिय खेलको उच्च प्रदर्शन हो । यसअघि सन्दीपले टियु क्रिकेट मैदानमै २०१९ नोभेम्बरमा मेरिलेबोन क्रिकेट क्रिकेट क्लब (एमसिसी) विरुद्ध पहिलो इनिङमा २१ बलमा २ चौका र ४ छक्कासहित सर्वाधिक ३९ रनमा अविजित थिए ।
त्यसै खेलको दोस्रो इनिङमा सन्दीपले २५ रन बनाएका थिए । सन्दीपको ओडिआईमा उत्कृष्ट प्रदर्शन ३५ रन अविजित छ । सन्दीपले दुई महिना अघि आइसिसी विश्वकप लिग२ मा दुबई अन्तर्राष्ट्रिय क्रिकेट मैदानमा पपुवा न्युगिनीविरुद्ध ३५ रनमा अविजित रहेका थिए ।
घरेलु क्रिकेटमा भने यो संयुक्त उच्च प्रदर्शन हो । सन्दीपले २०२१ को काठमाडौं मेयर्स कपमा मेयर्स ११ बाट कप्तानी गर्दै बागमती प्रदेशविरुद्ध २० बलमा ६ छक्कासहित ४२ रनमा आउट भएका थिए । सन्दीपको यसअघि करिअरको उत्कृष्ट प्रदर्शन उक्त ४२ रन नै थियो ।
एभरेष्ट प्रिमियर लिग २०२१ मा सन्दीपले काठमाडौं किंग्स इलेभेनबाट पोखरा राइनोजविरुद्ध ११ बलमा २ चौका र ३ छक्कासहित ३१ रनको इनिङ पनि खेलेका थिए ।
टियु मैदानमा टस हारेर पहिला ब्याटिङको निम्तो पाएको नेपाल एक समय १११–९ को अवस्थामा पुग्दा सन्दीपले अन्तिम विकेटका लागि ललितनारायण राजवंशीसँग ४६ रनको साझेदारी गर्दै १ सय ५७ रनमा पुर्याएका थिए । ललित अन्तिम विकेटको रुपमा १७ बल खेल्दै १ रनमा एलबीडब्लू आउट भए ।
October 18, 2024
काठमाडौं (हाम्रो खेलकुद) – दीपेन्द्रसिंह ऐरीको अलराउन्ड प्रदर्शनमा अमेरिकाविरुद्धको पहिलो टि ट्वान्टीमा नेपालले जित हासिल गरेको छ । डालसस्थित ग्रान्ड प्रेरीमा भएको पहिलो टि ट्वान्टी आई खेलमा नेपालले अमेरिकामाथि १७ रनको जित हात पार्यो । यो जितसँगै नेपालले अमेरिकाविरुद्धको ३ खेलको टि ट्वान्टी आई सिरिजमा १-० को अग्रता बनाएको छ । दीपेन्द्रले ब्याटिङतर्फ १७ बलमा […]
October 18, 2024
एजेन्सी – घरेलु टोली श्रीलंकाले वेस्ट इन्डिजविरुद्धको टि ट्वान्टी सिरिजमा जित हासिल गरेको छ । श्रीलंकाको दाम्बुलामा बिहीवार भएको तेस्रो तथा निर्णायक खेलमा वेस्ट इन्डिजमाथि ९ विकेटको सानदार जित दर्ता गर्दै घरेलु टोलीले सिरिजमा जित हात पारेको हो । तीन खेलको टि ट्वान्टी सिरिज घरेलु टोलीले २-१ ले जित हात पायो । पाहुना टोलीले दिएको […]
October 18, 2024
काठमाडौं(हाम्रो खेलकुद) – नेपालले अमेरिकाका दुवै ओपनरलाई आउट गराएको छ । अमेरिकाको डालसस्थित ग्रान्ड प्रेरी क्रिकेट स्टेडियममा जारी खेलमा अमेरिकाका दुवै ओपनर आउट भएका हुन् । पहिलो विकेटका रुपमा ओपनर साइतेजा मुककामल्ला करण केसीको बलमा कप्तान रोहितकुमार पौडेलबाट समातिए । उनी दोस्रो ओभरको पाँचौ बलमा २ रन बनाउँदै आउट भएका थिए । पहिलो विकेटका लागि […]