1 year ago
April 26, 2023
काठमाडौं (हाम्रो खेलकुद) – ओमानले एसिसी प्रिमियर कपमा साउदी अरेवियालाई ७२ रनले हराउँदै सेमिफाइनलमा स्थान पक्का गरेको छ । समूह ए मा ओमान तीन जितका साथ ६ अंक जोड्दै शीर्ष स्थानमा उक्लिदै सेमिफाइनलमा स्थान पक्का गरेको हो ।
जितको लागि ३ सय ६७ रनको विशाल लक्ष्य पछ्याएको साउदी ४६.५ ओभरमा २ सय ९४ रनमा अल आउट भयो । साउलीका ओपनर अब्दुल वहिदले ८६ बलमा १४ चौका र १ छक्कासहित सर्वाधिक ९५ रनको योगदान दिएपनि टोलीलाई सेमिफाइनल सम्म पुर्याउन सकेनन् ।
ओपनर वाकर उल हसनलाई तीन रनमै गुमाएपनि दोस्रो विकेटका लागि अब्दुल र साद खानले १ सय ७७ रनको सानदार शतकीय साझेदारी गर्दै जितको सम्भावना कायमै राखेका थिए । उत्कृष्ट प्रदर्शन गरेका साद खान ८० बलमा १० चौका र १ छक्कासहित ७८ रनमा आउट भए ।
स्पिनर जय ओडेराले ३० औं ओभरको दोस्रो बलमा साद खानलाई बोल्ड आउट गरे । एक बलपछ अब्दुल एज लागेर विकेटकिपर नसिम खुशीबाट क्याच आउट भएपछि जितको सम्भावना कठिन बनेको थियो । अर्को ओभरमा ओडेराले नै मनान अलीलाई शून्यमा क्याच आउट गराएका थिए ।
त्यसपछि साउदीका ब्याटर लगातार आउट भएपछि इतिहास रच्नबाट चुकेका थिए । कप्तान हिशाम शेख ३२ बलमा ४ चौकासहित ३६ रनमा आउट भए । अब्दुल वहिद १५ बलमा २ चौका र २ छक्कासहित २५, मनान अली डक, हसिब ६ र अतिफ उलले १६ रन बनाए ।
ओमानका बिलाल खानले ८.५ ओभरमा ७५ रन खर्चेर सर्वाधिक ४ विकेट लिए । जिशान मकसुदले १० ओभरमा ४१ रन खर्चेर २ विकेट लिए । जय ओडेराले ९ ओभरमा ६१ रन खर्चेर ३ विकेट लिए । आयन खानले एक विकेट लिए ।
त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको ओमानले निर्धारित ५० ओभरमा ६ विकेट गुमाउँदै ३ सय ६६ रन बनाएको थियो ।
ओमानको जितमा ओपनर जतिन्दर सिंहले ७९ बलमा ११ चौका र २ छक्कासहित सर्वाधिक ८८ रनको योगदान दिए । मोहम्मद नदिमले ३८ बलमा ६ चौका र ४ छक्कासहित ७१ रनको आक्रामक अविजित इनिङका साथ विशाल योगफलको आधार तय गरेका थिए ।
ओमानलाई पहिलो विकेटका लागि जतिन्दर सिंह र कश्याप प्रजापतीले १७.२ ओभरमा १ सय २५ रनको सानदार शतकीय साझेदारीका बलियो योगफलको बाटो देखाएका थिए ।
कश्याप प्रजापति ५३ बलमा ६ चौका र २ छक्कासहित ५१ रनमा आउट भए । उनी तीव्र गतिका बलर अब्दुल वहिदको बलमा इश्तिक अहमदबाट क्याच भए । जतिन्दर तीव्र गतिका बलर अब्दुल वहिदको बलमा विकेटकिपर हसिब गाफुरबाट क्याच आउट भएका थिए ।
शोएब खान ७० बलमा ८ चौका र २ छक्कासहित ६८ रनमा क्याच आउट भए । तेस्रो विकेटका लागि शोएब र जिशान मकसुदले ६० रनको साझेदारी गरेका थिए । कप्तान जिशान मकसुद ४९ बलमा ४ चौका र २ छक्कासहित ५४ रनमा आउट भए । तीव्र गतिका बलर अब्दुल वहिदले १० ओभरमा ६४ रन खर्चेर २ विकेट लिए । तीव्र गतिका बलर अतिफ उर रहमानले ९ ओभरमा ८० रन खर्चेर ३ विकेट लिए ।
नेपालले समूह ए को अन्तिम खेलमा बिहीबार कतारसँग खेल्नेछ । उक्त खेलमा नेपाल विजयी भएमा समूह विजेता र पराजित भएमा उपविजेता बन्नेछ । समूह बी को अन्तिम खेलमा कुवेत र हङकङबीच प्रतिस्पर्धा हुनेछ । उक्त खेलको विजेता टोली सेमिफाइनलमा पुग्नेछ । बिहीबारको नतिजाले मात्रै दुबै समूहको समूह विजेता र उपविजेता निर्धारण गर्नेछ ।
प्रतियोगिता पहिलो सेमिफाइनल खेलमा समूह ए को विजेताले समूह बी को उपविजेतासँग खेल्नेछ । दोस्रो सेमिफाइनल खेलमा समूह बी को विजेताले समूह ए को उपविजेतासँग खेल्नेछ । सेमिफाइनल शनिबार हुनेछ । फाइनल सोमबार हुनेछ । प्रतियोगिता विजेता टोलीले एसिया कपमा भारत र पाकिस्तासँग खेल्न पाउनेछ ।
शीर्ष तीन टोलीले एसिसी इमर्जिङ टिम्स एसिया कप खेल्न पाउनेछन् । इमर्जिङ टिप्समा एसियाका टेस्ट टोलीका यू-२३ टोलीको सहभागिता रहनेछ । एसिया कप सेप्टेम्बरमा पाकिस्तान र इमर्जिङ टिम्स एसिया कप जुलाईमा हुनेछ।
अंक तालिका
समूह ए मा ओमान ४ खेलमा ३ मा जित र १ मा हारसहित ६ अंकका साथ शीर्ष स्थानमा छ । नेपाल ३ खेलमा २ मा जित र एक खेलमा अंक बाँड्दै ५ अंकका साथ दोस्रो स्थानमा छ ।
मलेसिया ४ खेलमा २ मा जित र २ मा हारसहित ४ अंकका साथ तेस्रो स्थानमा रहेर बाहिरियो । साउदी ४ खेलमा १ मा जित, २ मा हार १ खेलमा अंक बाँड्दै ३ अंकका साथ चौथो स्थानमा रहेर बाहिरियो । कतार ३ खेलमा जित विहीन हुँदै पुछारमा रहेर बाहिरिएको थियो ।
समूह बी मा युएई ४ खेलमा ३ मा जित र १ मा हारसहित ६ अंकका साथ शीर्षस्थानमा रहँदै सेमिफाइनलमा स्थान बनाएको छ । हङकङ ३ खेलमा २ मा जित र १ खेलमा अंक बाँड्दै ५ अंकका साथ शीर्ष स्थानमा छ । कुवेत ३ खेलमा २ मा जित र १ मा हारसहित ४ अंकका साथ तेस्रो स्थानमाछ ।
बहराइन ४ खेलमा १ मा जित, २ खेलमा हार र १ खेलमा अंक बाँड्दै ३ अंकका साथ चौथो स्थानमा रहेर बाहिरियो । सिंगापुर सबै खेलमा जित विहीन हुँदै बाहिरियो ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]