काठमाडौं (हाम्रो खेलकुद) – एसिसी प्रिमियर कपमा सेमिफाइनलमा पुग्न निर्णायक खेलमा साउदी अरेवियाविरुद्ध ओमानका युवा ब्याटर कश्याप प्रजापति (केपी) अर्धशतक बनाउँदै आउट भएका छन् ।

टियु क्रिकेट मैदानमा टस हारेर पहिला ब्याटिङको निम्तो पाएको ओमानले २० ओभरमा १ विकेट गुमाउँदै १ सय ४१ रन बनाएको छ । ओमानका ओपनर जतिन्दर सिंह ५७ बलमा ९ चौका र २ छक्कासहित ६७ रनमा क्रिजमा छन् । उनलाई शोएब खानले १० रनमा साथ दिएका छन् ।

केपी ५३ बलमा ६ चौका र २ छक्कासहित ५१ रनमा आउट भए । उनी तीव्र गतिका बलर अब्दुल वहिदको बलमा इश्तिक अहमदबाट क्याच भए । पहिलो विकेटका लागि जतिन्दर सिंह र केपीले १७.२ ओभरमा १ सय २५ रनको सानदार शतकीय साझेदारी गर्दै राम्रो सुरुवात दिलाएका थिए ।

ओमान समूह ए मा ३ खेलमा २ मा जित र १ मा हारसहित ४ अंकका साथ तेस्रो स्थानमा छ । साउदी ३ खेलमा १ मा जित, १ मा हार र १ खेलमा अंक बाँड्दै ३ अंकका साथ चौथो स्थानमा छ ।

यस खेलको विजेता टोली सेमिफाइनलमा पुग्नेछ । नेपाल भने एक खेल अगावै सेमिफाइनलमा पुगेको छ । नेपाल ३ खेलमा २ मा जित र १ अंक बाँड्दै ५ अंकका साथ शीर्ष स्थानमा छ ।